جانىبەك ءالىمحان ۇلى وتباسى جايلى ايتتى - ەكسكليۋزيۆ

Фото: ©twitter.com/qazaqstyle
Фото: из открытых источников

قازاقستاندىق كاسىپقوي بوكسشى جانىبەك ءالىمحان ۇلى وتباسى جانە بالالارى جايلى ايتىپ، قىمبات برەندتەگى كيىم كيۋ جايلى Tengri Sport سۇراقتارىنا جاۋاپ بەردى.

 

 

- ءسىز قىمبات برەند ۇلگىسىندەگى كيىمدەردى ءجيى كيەسىز، مىسالى، Versace. ولارمەن قانداي دا ءبىر كەلىسىمشارتىڭىز بار ما؟ قانشا قارجى جۇمسايسىز؟

- شىنىن ايتسام، ماعان قىمبات برەند ۇلگىسىندەگى كيىم كيۋ ۇنامايدى. ءتىپتى، قىزىق ەمەس. مەن قىمبات كيىمدى ءبىر-اق ماقساتتا كيەمىن.

مەن سىزدەر ءۇشىن جانىبەكپىن، ال امەريكالىقتار ءۇشىن مەن قازاقستان ازاماتىمىن ءارى وسى ەلدىڭ ايناسى ىسپەتتىمىن. سوندىقتان دا قازاق بالاسى قىمبات كيىنىپ، جۇرت نازارىن اۋدارتا الاتىنىن اڭعارتقىم كەلەدى. ESPN ارناسى ارقىلى 90 ميلليون كورەرمەنگە قازاق اتىن تانىتىپ، جارقىلداعىم كەلەدى. الەۋمەتتىك جەلىلەردە ميلليونداعان ادام فوتو مەن ۆيدەولاردى بولىسەدى. وندا شاشىم ۇيپا-تۇيپا، كيىمىم ارزان بولىپ تۇرعىم كەلمەيدى. مەن ءۇشىن وزگەلەردىڭ ءبىزدىڭ ۇلتتى سىيلاۋى، قۇرمەتتەۋى - باستى ماقساتىم»، - دەيدى بوكسشى.

- سپورتشىلاردىڭ كوبى مودەل ارۋلارعا ۇيلەنىپ جاتادى، بولماسا ايەلى مەن وتباسىن قۇپيا ۇستايدى. ءسىزدىڭ ەكىنشى جارتىڭىز بار ما؟

- مەن جەكە ءومىرىمدى جاسىرمايمىن. قۇداي بەرە سالعان سۇيىكتى جارىم مەن 4 بالام بار، - دەدى ءالىمحان ۇلى.

ايتا كەتەيىك، جانىبەك ءالىمحان ۇلى جۋىردا عانا نەمىس بوكسشىسى ۆينچەنتسو گۋالتەريدى جەڭىپ، ورتا سالماقتا WBO جانە IBF چەمپيوندىق بەلبەۋلەرىن يەلەنگەن ەدى.

سوڭعى جاڭالىقتار