جانتۇرشىگەرلىك جارىلىس بولدى، قۇرباندار بار

ءۇندىستاننىڭ ورتالىعىنداعى مادحيا-پرادەش شتاتىنداعى بايراگار اۋىلىنداعى جاسىرىن وتشاشۋ زاۆودىندا بولعان جارىلىس سالدارىنان كەم دەگەندە 11 ادام قازا تاۋىپ، ونداعان ادام جارالاندى. بۇل تۋرالى بۇگىن Hindustan Time گازەتى حابارلادى.

«بۇل جارىلىس كەزىندە 11 ادام قازا تاۋىپ، 80 نەن استام ادام جاراقات الدى. وقيعاعا 50 دەن استام جەدەل جاردەم، 400 پوليتسەي، ءورت سوندىرۋشىلەر مەن قۇتقارۋشىلار جۇمىلدىرىلدى»، - دەلىنگەن حابارلامادا.

مارقۇمداردىڭ كوپشىلىگى ۇيىندىلەر استىندا قالىپ كەتكەن.

«بۇلار نەگىزىنەن جارىلىستان كەيىن ءۇيىندى استىندا قالىپ قويعاندىقتان، قازا تاپقان ادامدار. ءبىز جارىلىس بولعان جەرگە ءالى جەتكەن جوقپىز، سەبەبى ءورت ءالى جالعاسۋدا جانە ءورت سوندىرۋشىلەر جۇمىس ىستەپ جاتىر»، - دەدى پوليتسيا ءبولىمى قىزمەتكەرى ابدۋل رايس حان.

سونداي-اق زاۋىتتا 200-300 جۇمىسشى بولعان، ىشتە كوپ ادام قامالىپ قالعان بولۋى ابدەن مۇمكىن.

15 شاقىرىم راديۋستا سەزىلگەن جارىلىس جاقىن ماڭداعى 60 ءۇيدى قيراتتى. زاۋىتتاعى جارىلىستارعا بايلانىستى شەنەۋنىكتەر 100 دەن استام تۇرعىندى ەۆاكۋاتسيالادى.

ىزدەستىرۋ-قۇتقارۋ جۇمىستارى جالعاسۋدا.