جانقوش تۇراروۆ پەن ارىز بەرۋشى الەۋمەتتىك جەلىدە عانا تانىس بولعان - ادۆوكات

- زورلىق بويىنشا تىركەلگەن قىلمىستىق ءىس جابىق تۇردە قارالادى. ازاماتشا ءانارۋ قۇرمانالىنىڭ ارىزىندا كورسەتىلگەن دەرەكتەر تولىعىمەن تەكسەرىلەدى جانە زاڭ ورگاندارى وعان باعا بەرەدى. ق ر ق پ ك 201-بابى بويىنشا سوتقا دەيىنگى تەرگەپ تەكسەرۋ دەرەكتەرىنىڭ جاريا ەتىلۋىنە جول بەرىلمەيدى، - دەدى ول.

سونداي-اق، جانقوش تۇراروۆتىڭ ادۆوكاتى سپورتشىنىڭ ءوزى الداعى جەكپە-جەگىنە دايىندالىپ جۇرگەنىن ايتتى.

- جانقوش 28-قىركۇيەك كۇنى الماتى قالاسىندا ءوز بەلبەۋلەرىن قورعايدى. قازىر وسىندا جاتتىعۋ جاساپ ءجۇر. بۇگىنگى كونفەرەنسياعا كەلگىسى كەلگەن. ءبىراق جاقىندا بولاتىن ءوزىنىڭ جەكپە-جەگىنە دايىندالۋى كەرەك. سوندىقتان وسى سۇحباتتى مەن بەرەمىن دەپ شەشتىك، - دەدى ول.

ب ا ق وكىلدەرىنىڭ سۇراعىنا جاۋاپ بەرگەن سامات مامۋتوۆ بوكسشى مەن وعان ارىز بەرۋشى ينتەرنەت ارقىلى ءوزارا تانىس بولعانىن راستادى.

- جانقوش پەن ارىز بەرۋشى ينتەرنەت جەلىسىندە حابارلاسقانى بار، ونى جوققا شىعارمايدى. ەكەۋى الەۋمەتتىك جەلىدە عانا تانىس بولعان. ءبىراق قر قپك 201-بابى بويىنشا باسقا دەرەكتەردى مەن جاريا ەتە المايمىن، - دەدى ادۆوكات.

ەسكە سالايىق، قازاقستاندىق بوكسشىعا قىز زورلادى دەگەن ايىپ تاعىلدى.

ال جانقوش تۇراروۆ وزىنە جالعان ايىپ تاعىلعانىن مالىمدەدى.

اۆتور
دوسبول اتاجان