جانارتاۋدىڭ اتقىلاۋ قاۋپىنەن يسلانديادا توتەنشە جاعداي جاريالاندى

يسلانديادا قاتارىنان بولعان بىرنەشە جەراستى دۇمپۋىنەن كەيىن فاگرادالسفيادل جانارتاۋىنىڭ اتقىلاۋ ىقتيمالدىعى كۇرت ارتتى. Kazinform بۇل تۋرالى ВВС- گە سىلتەمە جاساپ حابارلايدى.

جەرگىلىكتى بيلىك جانارتاۋدان 8 شاقىرىم قاشىقتىقتا ورنالاسقان گرينداۆيك قالاسىنىڭ تۇرعىندارىن ساقتىق شاراسى رەتىندە ۇيلەرىن تاستاپ كەتۋگە شاقىردى.

ەلدە توتەنشە جاعداي رەجيمى جاريالاندى.

سوڭعى اپتادا فاگرادالسفيادل جانارتاۋى ورنالاسقان ايماقتا مىڭداعان جەراستى ءدۇمپۋى تىركەلدى.

جانارتاۋدىڭ جانىندا كەبلاۆيك حالىقارالىق اۋەجايى ورنالاسقان.

يسلانديانىڭ مەتەورولوگيا باسقارماسى (IMO) رەيكيانەس تۇبەگىندە كەز كەلگەن ساتتە جانارتاۋدىڭ ويانۋ قاۋپى تۋرالى ەسكەرتتى.

يسلانديا ۋنيۆەرسيتەتىنىڭ ۆۋلكانولوگيا پروفەسسورى تور توردارسون ماگما قازىرگى ۋاقىتتا جانارتاۋ بەتىنەن 800 مەتردەي عانا تەرەڭدىكتە ورنالاسقانىن جانە ونىڭ سىرتقا توگىلۋى اقيقات ەكەنىن جەتكىزدى.

«وكىنىشكە قاراي، اڭگىمە جانارتاۋدىڭ تاياۋ ۋاقىتتا اتقىلاي باستايتىنىندا بولىپ وتىر. اۋماعى - گرينداۆيك قالاسىنىڭ اينالاسى»، - دەدى ول بي- بي- سي- گە.

اۆتور

ەركەجان سماعۇلوۆا