جانارماي ساتۋدان تۇسكەن قوسىمشا تابىستىڭ 80 پايىزى بيۋدجەتكە باعىتتالماق

استانا. KAZINFORM - جانارماي ساتۋدان تۇسكەن قوسىمشا تابىستىڭ 80 پايىزى بيۋدجەتكە باعىتتالماق. مۇنداي وزگەرىس ۇلتتىق ەكونوميكا مينيسترلىگى ازىرلەگەن ۇكىمەت قاۋلىسىنا وزگەرىستەر جوباسىندا كوزدەلگەن.

Автозаправка жанармай бекеті бензин
فوتو: ۆيكتور فەديۋنين/ Kazinform

قۇجات جانار-جاعارماي باعاسىنا مەملەكەتتىك رەتتەۋدى الىپ تاستاعان جاعدايدا جانارماي وندىرۋشىلەر مەن ساتۋشىلاردىڭ قوسىمشا مارجينالدىلىعىنىڭ 80 پايىزىن بيۋدجەتكە باعىتتاۋ ماقساتىندا بەنزينگە (اۆياتسيالىقتى قوسپاعاندا) جانە ديزەل وتىنىنا قوسىمشا اكسيزدىڭ مولشەرلەمەسىن بەلگىلەۋدى كوزدەيدى.

وسىلايشا، شارا جانارماي ساتۋدان تۇسكەن قوسىمشا تابىستىڭ 80 پايىزىن بيۋدجەتكە قايتا بولۋگە مۇمكىندىك بەرەدى. بۇل رەتتە قوسىمشا اكسيزدەر اعىمداعى دەڭگەيدەن باعالار وسكەن كەزدە عانا پايدا بولادى.

ايتا كەتەيىك، ۇلتتىق ەكونوميكا مينيسترلىگىنىڭ «بەنزينگە (اۆياتسيالىق بەنزيندى قوسپاعاندا)، ديزەل وتىنىنا، گازوحولعا، بەنزانولعا، مۇناي ەرىتكىشىنە، جەڭىل كومىرسۋتەكتەر قوسپاسىنا جانە ەكولوگيالىق وتىنعا ارنالعان اكسيزدەر مولشەرلەمەلەرىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2018 -جىلعى 6-ساۋىردەگى №173-قاۋلىسىنا وزگەرىس ەنگىزەتىن قاۋلى جوباسى اشىق نقا پورتالىندا جاريالاندى. قاۋلى جوباسى 18-اقپانعا دەيىن قوعامدىق تالقىلاۋدا بولادى.

ايتا كەتەيىك، كولىك ءمينيسترى مارات قارابايەۆ ۇكىمەت وتىرىسىنان كەيىن وتكەن باسپا ءسوز ءماسليحاتىندا قوسىلعان قۇن سالىعىن كوتەرۋ باستاماسى مەن جانارماي باعاسىنىڭ نارىققا بەرىلۋى تاكسي باعاسىنا قالاي اسەر ەتەتىنى تۋرالى پىكىر ءبىلدىردى.

سوڭعى جاڭالىقتار