جانار-جاعارماي باعاسى 2025 -جىلى قالاي وزگەرەدى؟

استانا. قازاقپارات - 2024 -جىلعى مامىردان باستاپ قازاقستاندا جانار-جاعارماي ماتەريالدارىنىڭ سارالانعان باعاسى ىسكە اسىرىلىپ كەلەدى. ەنەرگەتيكا مينيسترلىگى 2025 -جىلى قانداي وزگەرىستەر بولاتىنىن مالىمدەدى.

بۇگىندە ەنەرگەتيكا ءمينيسترىنىڭ جانار-جاعارماي ماتەريالدارىنا (ج ج م) سارالانعان باعالاردى بەلگىلەيتىن 2024 -جىلعى 4-مامىرداعى №25 بۇيرىعى قولدانىلادى:

ا ي-92 جانە ا ي-93 بەنزينى - ليترىنە 245 تەڭگە، ال قازاقستان رەسپۋبليكاسىندا بەرىلگەن قۇجاتتار بولعان جاعدايدا ليترىنە 205 تەڭگە؛
ديزەل وتىنى - ليترىنە 315 تەڭگە، قۇجاتتاردى ۇسىنعان كەزدە ليترىنە 295 تەڭگە.
ايتا كەتەيىك، بۇگىنگى تاڭدا قازاقستان ەۋرازيالىق ەكونوميكالىق وداق (ە ا ە و) ەلدەرى اراسىندا وتىننىڭ ەڭ تومەن باعاسىن ساقتاپ وتىر. الەم ەلدەرىندە بەنزين باعاسى 36 دان 166 پايىزعا دەيىن، ال ديزەل باعاسى 17 دەن 66 پايىزعا دەيىن وزگەرەدى.