جامبىلدىق تۇرعىن تيك-توك جەلىسىندەگى جاريالىمى ءۇشىن سوت الدىندا جاۋاپ بەردى

 مويىنقۇم اۋداندىق سوتىندا ار-نامىستى قورعاۋ تۋرالى ءىس تىڭدالدى، دەپ حابارلايدى Kazinform اگەنتتىگىنىڭ مەنشىكتى ءتىلشىسى. 

جامبىل وبلىستىق سوتى باسپا ءسوز قىزمەتىنىڭ اقپاراتى بويىنشا، مويىنقۇم اۋداندىق سوتىندا ا . ەسىمدى ازاماتقا قاتىستى اكىمشىلىك قۇقىق بۇزۋشىلىق تۋرالى زاڭنامانىڭ 73-3-بابى، 2-بولىگى «جالا جابۋ» بويىنشا اكىمشىلىك ءىس قارالدى.

- 2023 -جىلدىڭ قازانىندا ا. ەسىمدى ازامات Tik-Tok الەۋمەتتىك جەلىسىندە ۆيدەوجازبا جاريالاپ، س. ەسىمدى زارداپ شەگۋشىنى جەڭىل ءجۇرىستى قىز دەپ ايتقان. سول ارقىلى ونىڭ ار- نامىسىنا نۇقسان كەلتىرەتىن كورىنەۋ جالعان اقپارات تاراتقان، - دەپ ءتۇسىندىردى سوت وكىلدەرى.

ءىستى قاراۋ كەزىندە ا. كىناسىن تولىقتاي مويىنداپ، ىسىنە وكىندى. زارداپ شەككەن قىز ونى كەشىرىپ، ءىستى توقتاتۋدى سۇرادى.

سوت بۇيرىعىمەن ا. اكىمشىلىك جاۋاپكەرشىلىكتەن بوساتىلىپ، ەكى تاراپ تاتۋلاسقاندىقتان ءىس توقتاتىلدى.

بۇيرىق زاڭدى كۇشىنە ەنگەن جوق، دەپ ناقتىلادى مويىنقۇم اۋداندىق باسپا ءسوز قىزمەتى.