09:31, 24 - قاراشا 2024 | GMT +5
جامبىلدا پروكۋراتۋرا قىزمەتكەرى الاياقتىق جاسادى دەپ ۇستالدى
استانا. KAZINFORM - جامبىل وبلىسىندا پروكۋراتۋرا قىزمەتكەرى الاياقتىق كۇدىگىمەن ۇستالدى. بۇل تۋرالى باس پروكۋراتۋرانىڭ باسپا ءسوز قىزمەتى حابارلادى.
«23-قاراشادا باس پروكۋراتۋرانىڭ ىشكى قاۋىپسىزدىك دەپارتامەنتى مەن جامبىل وبلىسىنىڭ پروكۋراتۋراسى، جامبىل وبلىسى بويىنشا ۇكك قىزمەتكەرلەرىنىڭ قاتىسۋىمەن جۇرگىزىلگەن جەدەل شارالار ناتيجەسىندە پروكۋراتۋرا قىزمەتكەرى الاياقتىق كۇدىگىمەن ۇستالدى. سوتقا دەيىنگى تەرگەپ تەكسەرۋ باس پروكۋراتۋرانىڭ ارنايى پروكۋرورىمەن جۇرگىزىلۋدە»، - دەلىنگەن حابارلامادا.
تەرگەۋ مۇددەسىندە باسقا اقپارات جاريالانۋعا جاتپايدى.
ەسكە سالساق، اقسۋدا بالا زورلاپ، ونى ولتىرگەنى ءۇشىن حالىقارالىق ىزدەۋدە جۇرگەن كۇدىكتى رەسەيدەن ەكستراديتسيالاندى.
