قاتتى نوسەر كەنتاۋلىقتاردى ابىگەرگە سالدى

تۇركىستان. KAZINFORM - قاتتى نوسەردىڭ سالدارىنان كەنتاۋدىڭ كوشەلەرىن سۋ باستى. قالاداعى ورتالىق كوشەلەردە جينالعان جاڭبىر سۋى تۇرعىنداردىڭ ءجۇرىپ تۇرۋىنا قيىندىق تۋدىردى.

كولىك جولدارى مەن بازار ءىشى دە سۋعا تولىپ كەتتى. سالدارىنان كاسىپ يەلەرىنىڭ ءبىرشاما زاتتارى ءبۇلىندى. ال، اۆتوبەكەت پەن بازار ىشىندە جۇرگىنشىلەر توبىقتان اساتىن سۋدى كەشىپ جۇرۋگە ءماجبۇر بولدى.

الەۋمەتتىك جەلىدە تاراعان ۆيدەودان تۇرعىن ۇيلەردىڭ اۋلالارىنا دا سۋ كىرگەنىن كورۋگە بولادى.

ءتىپتى، ءبىر ءۇيدىڭ اۋلاسى مەن قوسىمشا قۇرىلىس نىسانىنىڭ ىشىنە كىرگەن سۋ، ەكىنشى جاعىنان تەسىپ شىعىپ جاتقانىن تۇرعىندار ۆيدەوعا ءتۇسىرىپ العان.

ال، كەشكىسىن كەنتاۋ قالاسىنىڭ اكىمدىگى جاعدايدىڭ تۇراقتالعاندىعىن جەتكىزدى.

«15-ءساۋىر كۇنى 16:00-دەن 17:10-عا دەيىن بولعان جاۋىن-شاشىننىڭ سالدارىنان كەنتاۋ قالاسىنداعى 3 جەكە تۇرعىن ءۇي اۋلاسى مەن 1 ءۇيدىڭ جەرتولەسىن، 1 ءۇيدى تولىقتاي جانە «ساليحا انا» بازارىنداعى 26 كاسىپكەرلىك نىسانىن سۋ باستى. ت ج د كۇشتەرى مەن جەرگىلىكتى اكىمدىك قىزمەتكەرلەرى تاراپىنان سۋدى تارتۋ جانە ارناسىن بۇرۋ جۇمىستارى جۇرگىزىلدى. جاعداي تۇراقتى» دەلىنگەن كەنتاۋ قالاسى اكىمدىگى تاراتقان اقپاراتتا.