جامبىل وبلىسىندا ءدىني راديكالدار توبىنىڭ 11 مۇشەسى ۇستالدى

استانا. KAZINFORM - جامبىل وبلىسىندا ءدىني راديكالدار توبىنىڭ 11 مۇشەسى قولعا ءتۇستى. بۇل تۋرالى Polisia.kz جازدى.

ولار الەۋمەتتىك جەلىلەردە وزگە ءدىن وكىلدەرىنىڭ سەزىمدەرىن قورلايتىن، ءوز دىندەستەرىنىڭ ۇستەمدىگىن جانە وزگە سەنىمدەگىلەردىڭ تومەندىگىن ناسيحاتتايتىن اۋديو جانە ۆيدەوماتەريالداردى، سونىڭ ىشىندە شەتەلدىك راديكالدى ۋاعىزشىلاردىڭ دارىستەرىن تاراتقان.

اتالعان ماتەريالداردىڭ كەيبىرى بۇرىن سوت شەشىمىمەن ءدىني الاۋىزدىقتى قوزدىراتىن اقپارات رەتىندە تانىلىپ، قازاقستان رەسپۋبليكاسىنىڭ اۋماعىندا تاراتۋعا تىيىم سالىنعان.

- تۇرعىلىقتى جەرلەرىن ءتىنتۋ بارىسىندا ءتۇرلى ءدىني مازمۇنداعى ماتەريالدار مەن باسقا دا ايعاق زاتتار تاركىلەندى. ساراپتاما ناتيجەسىندە وسى ماتەريالداردان ءدىني الاۋىزدىقتى ناسيحاتتاۋ بەلگىلەرى انىقتالدى. توپتىڭ جەتەكشىلەرى مەن بەلسەندى مۇشەلەرىنىڭ تورتەۋى ۋاقىتشا ۇستاۋ يزولياتورىنا قامالدى، قالعاندارى قىلمىستىڭ كۋاگەرلەرى رەتىندە كىنالارىن مويىندادى، - دەلىنگەن حابارلامادا.

توپ بولىپ قاساقانا ءدىني الاۋىزدىقتى قوزدىرۋ بەلگىلەرى بويىنشا سوتقا دەيىنگى تەرگەۋ جۇرگىزىلىپ جاتىر.

بۇعان دەيىن حابارلانعانداي، ايدا بالايەۆا ءدىني ەكسترەميزم مەن تەرروريزمدى ناسيحاتتايتىن 14 مىڭنان استام ماتەريال جويىلعانىن ايتقان بولاتىن.