جامبىل وبلىسىندا 50 گە جۋىق قوي ورتكە وراندى

تاراز. KAZINFORM -جامبىل وبلىسى سارىسۋ اۋدانىنىڭ قاراتاس اۋىلىنداعى تۇرعىن ءۇيدىڭ اۋلاسىنان ءورت شىعىپ، 1 جىلقى، 47 قوي وتقا ورتەندى.

توتەنشە جاعدايلار دەپارتامەنتى كۇشتەر مەن قۇرالداردى جەدەل باسقارۋ ورتالىعىنىڭ «101» قىزمەتىنە مال قورانىڭ ورتكە ورانعانى تۋرالى حابارلاما 25-ناۋرىز كۇنى 21 ساعات 43 مينۋتتا كەلىپ تۇسكەن. وقيعا ورنىنا جاڭاتاس قالاسىنىڭ №16 ءورت ءسوندىرۋ ءبولىمىنىڭ 1 بولىمشەسى، ەرىكتى ءورت قۇرالىمىنان 7 ادام، 1 نيۆا اۆتوكولىگى، جەرگىلىكتى اتقارۋشى ورگاننان تىركەمەسى بار 1 م ت ز-80 تراكتورى شىققان. اۋماعى 220 شارشى مەتردى شارپىعان ءورت 22 ساعات 36 مينۋتتا وقشاۋلانىپ، 22 ساعات 56 مينۋتتا جويىلعان.

«مال قورا اۋلاسىندا بارلىعى 228 باس ۇساق مال (قوي) بولعاندىعى انىقتالدى. 1 جىلقى مەن 47 باس قوي ءورت سالدارىنان ءولدى. اۋىل تۇرعىندارىنىڭ، جەرگىلىكتى اتقارۋشى ورگاندار وكىلدەرىنىڭ جانە ءورت سوندىرۋشىلەردىڭ كومەگىمەن ورتەنگەن شارۋاشىلىق عيماراتىنان مالدى قاۋىپسىز جەرگە ايداپ شىعارۋ جۇمىستارى ۇيىمداستىرىلدى. وسىلايشا 180 باس مال قۇتقارىلدى. ءورتتىڭ شىعۋ سەبەبى ەلەكتر سىمدارىنىڭ قىسقا تۇيىقتالۋىنان ورىن العان. اتالعان ءورت سالدارىنان زارداپ شەككەندەر مەن قازا تاپقاندار تىركەلگەن جوق»، - دەلىنگەن وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتى تاراتقان رەليزدە.