جالپىعا ورتاق دەكلاراتسيالاۋ: تاكسي قىزمەتىن كورسەتەتىندەر نەنى ءبىلۋى قاجەت

تاكسي قىزمەتىن كورسەتىپ تابىس تاۋىپ جۇرگەن ازاماتتار دا جالپىعا ورتاق دەكلاراتسيادان ءوتۋى ءتيىس.

بۇل تۋرالى مەملەكەتتىك كىرىستەر كوميتەتى وندىرىستىك ەمەس تولەمدەردى، جەكە تۇلعالاردى جانە ارناۋلى سالىقتىق رەجيمدەردى اكىمشىلەۋ دەپارتامەنتىنىڭ ديرەكتورى نۇرجان قۋاندىقوۆ ايتتى، دەپ حابارلايدى Kazinform.

ونىڭ اتاپ وتۋىنشە، ەلىمىزدە كەز كەلگەن كاسىپكەرلىك قىزمەت مىندەتتى تۇردە تىركەلۋى ءتيىس.

«بۇعان دەيىن دە جالدامالى جۇمىسشىلارى جوق، شاعىن بيزنەسكە جاتاتىن ازاماتتار ءۇشىن ءبىز ارناۋلى موبيلدى قوسىمشا سىندى ارنايى سالىق رەجيمىن قاراستىرعانىمىزدى ايتقان ەدىك. دەمەك، تاكسي قىزمەتىن كورسەتەتىندەر ۇيدەن شىقپاستان-اق موبيلدى قوسىمشا ارقىلى تىركەلىپ، سالىق تولەي الادى. بۇعان قوسا، بۇگىندە مەملەكەتتىك كىرىستەر كوميتەتى ياندەكس تاكسيمەن بىرگە ىلكى جوبانى جۇزەگە اسىرىپ جاتىرمىز. ولار وسى ىلكى جوباعا قاتىسا الادى»، - دەدى نۇرجان قۋاندىقوۆ اگەنتتىك ءتىلشىسىنىڭ ساۋالىنا وراي.

ونىڭ اتاپ وتۋىنشە، «كىرىس» تۋرالى دەكلاراتسيا تاپسىرۋدىڭ ءۇشىنشى كەزەڭىندە 2024-جىلعى 1- قاڭتارىنان باستاپ زاڭدى تۇلعالاردىڭ قۇرىلتايشىلارى (قاتىسۋشىلارى)، جەكە كاسىپكەرلەردىڭ باسشىلارى، سونداي-اق ولاردىڭ جۇبايلارى (زايىبى) تاپسىرادى.

«ەگەر تاكسي قىزمەتىن كورسەتۋشى وسى ساناتتىڭ بىرىنە كىرەتىن بولسا، وندا ول تۋرالى مالىمەتتى بىلەمىز. ياعني تاكسي قىزمەتىن كورسەتۋشى جەكە كاسىپكەر بولسا، وندا 2023-جىلى جالپىعا ورتاق دەكلاراتسيالاۋ جۇيەسىنە ەنەدى. ول تۋرالى مالىمەتتەردى 2024 جانە 2024-جىلداردىڭ قورىتىندىسىن الامىز»، - دەدى ول.

دەپارتامەنت باسشىسىنىڭ ايتۋىنشا، ەلىمىزدە قولايدى سالىق رەجىمى بار. ونىڭ اياسىندا ازمات قىزمەت كورسەتىپ 1-3 پايىز مولشەرىندە عانا سالىق تولەي الادى. ال ازاماتتاردىڭ جاسىرىن قىزمەتى انىقتالعان جاعدايدا تابىسىنىڭ 10 پايىزىن تولەۋىنە تۋرا كەلەدى.