جالعان ديپلوم جاساعاندارعا قانداي جازا قاراستىرىلعان

استانا. KAZINFORM – ق ر عىلىم جانە جوعارى ءبىلىم مينيسترلىگىنىڭ جوعارى جانە جوعارى وقۋ ورنىنان كەيىنگى ءبىلىم كوميتەتى جوعارى ءبىلىم تۋرالى جالعان ديپلومدارعا قاتىستى قانداي جازا قاراستىرىلعانىن ءتۇسىندىردى.

Диплом документы құжаттар
Фото: Мухтор Холдорбеков/ Kazinform

«قازاقستان رەسپۋبليكاسىنىڭ ىشكى ىستەر ورگاندارى تۋرالى» زاڭىنىڭ 4-بابىنا سايكەس، ءبىلىم تۋرالى جالعان ديپلومداردى دايىنداۋ جانە ساتۋ فاكتىلەرىن انىقتاۋ ءارى جولىن كەسۋ بويىنشا جۇمىستار ىشكى ىستەر مينيسترلىگىنىڭ قۇزىرىنا جاتادى. ق ر قىلمىستىق كودەكسىنىڭ 385-بابى بويىنشا جالعان قۇجاتتاردى جاساۋ ارەكەتىنە 2000 ايلىق ەسەپتىك كورسەتكىشكە دەيىنگى مولشەردە ايىپپۇل سالىنادى نەمەسە سول مولشەردە تۇزەۋ جۇمىستارىنا، سونداي-اق 600 ساعاتقا دەيىنگى مەرزىمگە قوعامدىق جۇمىستارعا تارتىلادى. بۇل قىلمىس ءۇشىن 2 جىلعا دەيىنگى مەرزىمگە باس بوستاندىعىن شەكتەۋ نەمەسە سول مەرزىمگە باس بوستاندىعىنان ايىرۋ جازاسى دا قاراستىرىلعان»، - دەلىنگەن ۆەدومستۆونىڭ Kazinform اگەنتتىگىنە بەرگەن جاۋابىندا.

بۇدان بولەك، جالعان قۇجاتتى پايدالانعاندارعا 160 ايلىق ەسەپتىك كورسەتكىشكە دەيىنگى مولشەردە ايىپپۇل سالىنادى نەمەسە سول مولشەردە تۇزەۋ جۇمىستارىنا، 160 ساعاتقا دەيىنگى مەرزىمگە قوعامدىق جۇمىستارعا تارتىلادى. مۇنىمەن قوسا، وسى ارەكەت ءۇشىن 40 تاۋلىككە دەيىنگى مەرزىمگە قاماققا الۋ جازاسى ەسكەرىلگەن.

ەسكە سالساق، بيىل اقپان ايىندا Jibek Joly تەلەارناسى «فوكۋس ۆنيمانيا» باعدارلاماسىنىڭ تىكەلەي ەفيرىندە جوعارى ءبىلىم تۋرالى ديپلومنىڭ قارا نارىعىنداعى وزەكتى ماسەلەلەر تالقىلاندى.

جىل باسىندا س ق و- دا مۇعالىم جالعان ديپلوممەن ۇزاق ۋاقىت جۇمىس ىستەپ كەلگەنى انىقتالدى.

سوڭعى جاڭالىقتار