جالعا بەرىلگەن مەملەكەتتىك تۇرعىن ءۇيدى ساتىپ الۋعا بولا ما

جاقىندا مەملەكەتتىك باعدارلامالار بويىنشا جالعا بەرىلگەن تۇرعىن ءۇيدى ساتىپ الۋ مۇمكىندىگى تۋرالى ايتىلدى.

وسى ورايدا ونەركاسىپ جانە قۇرىلىس ءمينيسترى قانات شارلاپايەۆ تۇرعىن ءۇيدى جەكەشەلەندىرۋدىڭ قانداي تەتىكتەرى قاراستىرىلىپ جاتقانىن ايتتى، دەپ حابارلايدى Kazinform.

«زاڭنامالىق تۇزەتۋلەر ەنگىزىلگەننەن كەيىن ۇكىمەتتە تانىستىرىلدى. بۇگىندە ءماجىلىس قاراۋىنا جىبەرىلدى. مينيسترلىكتىڭ نورماتيۆتىك- قۇقىقتىق بازاسىندا زاڭنامالىق وزگەرىستەر مەن زاڭنامالىق تۇزەتۋلەر بار. اتالعان مۇمكىندىككە الدىمەن سول جالعا بەرىلگەن پاتەرلەردە تۇرىپ جاتقاندار يە بولادى. ياعني 5 جىل بويى تۇرىپ، جالعا بەرىلگەن تۇرعىن ءۇيدى ساتىپ الۋعا ۇمىتكەر بولا الادى»، - دەپ ءتۇسىندىردى قانات شارلاپايەۆ ۆەدومستۆودا وتكەن باسپا ءسوز ءماسليحاتىندا.

ونىڭ ايتۋىنشا، قازىر تۇرعىن ءۇيدى بالانستىق قۇن بويىنشا ساتىپ الۋدى قامتاماسىز ەتۋ باعىتىندا جۇمىستار ءجۇرىپ جاتىر.

«ازىرگە بۇل مەحانيزمنىڭ تۇپكىلىكتى ىسكە اسۋى تۋرالى ايتۋعا ءالى ەرتە. ءبىز زاڭدى ءماجىلىستىڭ قاراۋىنا جىبەردىك. بۇل تۇزەتۋ ماجىلىستە قولداۋ تابادى دەپ سەنەمىن جانە ءبىز وسى پاتەرلەردە تۇراتىن ادامدارعا تولىققاندى يەلەنۋگە مۇمكىندىك بەرە الامىز»، - دەدى ق. شارلاپايەۆ.