«جالاڭاياق قىز» ءانىنىڭ باعىن اشقان تانىمال ءانشى ومىردەن وزدى

ونىڭ ومىردەن وزعانىن جاقىندارى الەۋمەتتىك جەلىدە حابارلادى.

«قۇرمەتتى جاقىندارى، دوستارى، ارىپتەستەرى جانە بولات نۇقىباي ۇلىنىڭ شىعارماشىلىعىن قۇرمەتتەيتىندەر. بولات ابدىاحمەتوۆتىڭ ومىردەن وزعانىن حابارلايمىز»، - دەپ جازعان جاقىندارى.

ەستەرىڭىزگە سالا كەتەيىك، بولات ابدىاحمەتوۆ قازىرگى شىعىس قازاقستان وبلىسى شار قالاسىندا دۇنيەگە كەلگەن. ماسكەۋ مەملەكەتتىك مۋزىكا ۋچيليشەسىن ەسترادا جانە دجاز سىنىبى بويىنشا ءتامامداعان. قازاقستاننان باسقا، وزبەكستان، رەسەي، قىتاي، تايلاند ەلدەرىندە كونسەرت قويعان.

ونىڭ ەڭ تانىمال ءانى - مۇقاعالي ماقاتايەۆتىڭ سوزىنە جازىلعان «جالاڭاياق قىز» ءانى ەدى. ول ءاندى ورتا ازيا جانە ەۋروپانىڭ ءبىرقاتار ەلدەرىندەگى جاستار ءسۇيىپ تىڭدايدى.