جاڭبىر، قار، ۇسىك: سارسەنبىگە كۇن رايى بولجامى

 سارسەنبى كۇنى قازاقستان اۋماعىنىڭ باسىم بولىگىنە انتيسيكلون جوتاسى اسەر ەتىپ، جاۋىن- شاشىنسىز كۇن رايى قالىپتاسادى. 

ەلدىڭ باتىسىندا، سولتۇستىك- باتىسى مەن شىعىسىندا اتموسفەرالىق فرونتتاردىڭ وتۋىمەن جاڭبىر جاۋادى، شىعىسىندا جاڭبىر مەن قار تۇرىندە جاۋىن- شاشىن كۇتىلەدى.

رەسپۋبليكا بويىنشا تۇمان بولجانادى. سونداي-اق ەلدىڭ سولتۇستىگىندە، وڭتۇستىگى مەن باتىسىندا ەكپىندى جەل تۇرادى، دەپ حابارلايدى قازاقپارات «قازگيدرومەت» ر م ك-عا سىلتەمە جاساپ.

اتاپ ايتقاندا، تۇندە اقمولا وبلىسىنىڭ وڭتۇستىگىندە، شىعىسى مەن ورتالىعىندا، سولتۇستىك قازاقستان وبلىسىنىڭ وڭتۇستىك- شىعىسىندا - 1-3 گرادۋس، قوستاناي وبلىسىنىڭ وڭتۇستىك- شىعىسىندا 1 گرادۋس ۇسىك جۇرەدى.

تۇركىستان، قىزىلوردا وبلىسىنىڭ ورتالىعىندا، شىعىسى مەن وڭتۇستىگىندە ءورت تۇتانۋ قاۋپى ساقتالىپ وتىر.

جامبىل وبلىسىندا، اتىراۋ وبلىسىنىڭ وڭتۇستىگى مەن شىعىسىندا، سونداي- اق ءورت قاۋپى جوعارى.