جاڭبىر، نايزاعاي، جەل: ەرتەڭ ەلىمىزدىڭ 15 وڭىرىندە كۇن بۇزىلادى
استانا. KAZINFORM - «قازگيدرومەت» ر م ك ماماندارى 26-تامىزعا ارنالعان اۋا رايى بولجامىن جاريالادى.
26-28-تامىزدا اتىراۋ وبلىسىنىڭ باسىم بولىگىندە توتەنشە ءورت قاۋپى، وبلىستىڭ ورتالىعىندا، وڭتۇستىك- شىعىسىندا جوعارى ءورت قاۋىپى ساقتالادى.
26-تامىزدا ماڭعىستاۋ وبلىسىنىڭ سولتۇستىك- باتىسىندا، وڭتۇستىگىندە، ورتالىعىندا توتەنشە ءورت قاۋىپى، وبلىستىڭ باتىسىندا، وڭتۇستىك- شىعىسىندا، سولتۇستىك- شىعىسىندا جوعارى ءورت قاۋىپى ساقتالادى.
اقمولا وبلىسىنىڭ سولتۇستىگىندە، شىعىسىندا، وڭتۇستىگىندە نايزاعاي كۇتىلەدى. وبلىستىڭ باتىسىندا، سولتۇستىگىندە تۇمان كۇتىلەدى.
كۇندىز الماتى وبلىسىنىڭ وڭتۇستىگىندە، تاۋلى اۋداندارىندا نايزاعاي كۇتىلەدى. سولتۇستىك- شىعىستان جەل سوعادى، كۇندىز وبلىستىڭ وڭتۇستىگىندە، تاۋلى اۋداندارىندا ەكپىنى 18 م/س. وبلىستىڭ سولتۇستىگىندە توتەنشە ءورت قاۋىپى ساقتالادى.
قىزىلوردا وبلىسىنىڭ سولتۇستىك- باتىسىندا، ورتالىعىندا جوعارى ءورت قاۋىپى، وبلىستىڭ باسىم بولىگىندە توتەنشە ءورت قاۋىپى ساقتالادى.
اقتوبە وبلىسىنىڭ وڭتۇستىگىندە جوعارى ءورت قاۋىپى ساقتالادى.
كۇندىز قاراعاندى وبلىسىنىڭ سولتۇستىگىندە، شىعىسىندا، ورتالىعىندا نايزاعاي كۇتىلەدى. تۇندە جانە تاڭەرتەڭ وبلىستىڭ سولتۇستىگىندە، شىعىسىندا، ورتالىعىندا تۇمان. وبلىستىڭ وڭتۇستىگىندە توتەنشە ءورت قاۋىپى، وبلىستىڭ سولتۇستىك- باتىسىندا، شىعىسىندا، ورتالىعىندا جوعارى ءورت قاۋىپى ساقتالادى.
استانا قالاسىندا 26-تامىزدا كەي ۋاقىتتاردا نايزاعاي كۇتىلەدى.
تۇندە جانە تاڭەرتەڭ ۇلىتاۋ وبلىسىنىڭ سولتۇستىگىندە تۇمان كۇتىلەدى. وبلىستىڭ باسىم بولىگىندە جوعارى ءورت قاۋىپى، وبلىستىڭ وڭتۇستىگىندە توتەنشە ءورت قاۋىپى ساقتالادى.
26-تامىزدا تاڭەرتەڭ جانە كۇندىز اباي وبلىسىنىڭ باتىسىندا، سولتۇستىگىندە نايزاعاي كۇتىلەدى. وڭتۇستىك- باتىستان سوعاتىن جەل سولتۇستىك- باتىسقا اۋىسادى، وبلىستىڭ باتىسىندا، سولتۇستىگىندە، وڭتۇستىگىندە 15-20 م/س. وبلىس بويىنشا جوعارى ءورت قاۋىپى ساقتالادى، وبلىستىڭ باتىسىندا، سولتۇستىك- باتىسىندا، وڭتۇستىگىندە توتەنشە ءورت قاۋىپى ساقتالادى.
كۇندىز تۇركىستان وبلىسىنىڭ سولتۇستىگىندە شاڭدى داۋىل كۇتىلەدى. سولتۇستىك- شىعىستان جەل سوعادى، تۇندە وبلىستىڭ تاۋ اسۋلارىندا، كۇندىز سولتۇستىگىندە، باتىسىندا، تاۋلى جانە تاۋ بوكتەرلى اۋداندارىندا كۇشى 15-20 م/س. شىمكەنت ق.: 26-تامىزدا سولتۇستىك- شىعىستان جەل سوعادى، كۇندىز ەكپىنى 15- 20 م/س
شىعىس قازاقستان وبلىسىنىڭ سولتۇستىگىندە، شىعىسىندا، وڭتۇستىگىندە نايزاعاي كۇتىلەدى. وڭتۇستىك- باتىستان سوعاتىن جەل سولتۇستىك- باتىسقا اۋىسادى، وبلىستىڭ سولتۇستىگىندە، شىعىسىندا، وڭتۇستىگىندە 15-20 م/س. وبلىستىڭ وڭتۇستىگىندە، ورتالىعىندا توتەنشە ءورت قاۋىپى ساقتالادى.
باتىس قازاقستان وبلىسىنىڭ باتىسىندا، شىعىسىندا، ورتالىعىندا جوعارى ءورت قاۋىپى ساقتالادى، وبلىستىڭ وڭتۇستىگىندە، وڭتۇستىك- شىعىسىندا توتەنشە ءورت قاۋىپى ساقتالادى.
قوستاناي وبلىسىنىڭ باتىسىندا، سولتۇستىگىندە، شىعىسىندا نايزاعاي كۇتىلەدى. تۇندە جانە تاڭەرتەڭ وبلىستىڭ وڭتۇستىگىندە تۇمان كۇتىلەدى.
جەتىسۋ وبلىسىندا سولتۇستىك- شىعىستان جەل سوعادى، وبلىستىڭ شىعىسىندا، تاۋلى اۋداندارىندا ەكپىنى 15-20، كەي ۋاقىتتاردا 23-28 م/س كۇتىلەدى. وبلىستىڭ سولتۇستىگىندە جوعارى ءورت قاۋىپى ساقتالادى.
