«جاڭبىر مەن قار». سينوپتيكتەر بۇگىن كۇن رايى قانداي بولاتىنىن ايتتى

استانا. KAZINFORM - «قازگيدرومەت» قازاقستان ايماقتارىندا 16-قاراشادا بولاتىن قاۋىپتى مەتەورولوگيالىق قۇبىلىستارعا بولجاۋ كونسۋلتاتسياسىن جاريالادى.

سينوپتيكتەر بولجامىنشا، ەل اۋماعىنىڭ كوپ بولىگىنە جاۋىن-شاشىنسىز اۋا رايى كۇتىلەتىن انتيسيكلون سىلەمى اسەر ەتەدى.

- تەك رەسپۋبليكانىڭ باتىسىندا، سولتۇستىك- باتىسىندا، سولتۇستىگىندە اتموسفەرالىق فرونتالدى بولىمدەردىڭ وتۋىمەن جاڭبىر مەن قار تۇرىندە جاۋىن-شاشىن بولادى، - دەلىنگەن حابارلامادا.

رەسپۋبليكا بويىنشا جەلدىڭ كۇشەيۋى كۇتىلەدى، سولتۇستىگىندە تومەنگى بۇرقاسىنمەن، باتىسىندا، سولتۇستىك- باتىسىندا كوكتايعاق، باتىسىندا، سولتۇستىك- باتىسىندا، ورتالىعىندا، وڭتۇستىگىندە، وڭتۇستىك شىعىسىندا تۇمان كۇتىلەدى.

ەسكە سالساق، بۇعان دەيىن الداعى ءۇش تاۋلىككە كۇن رايى قانداي بولاتىنىن حابارلاعان ەدىك.