جاڭبىر جاۋىپ، نايزاعاي وينايدى: 9-مامىرعا ارنالعان اۋا رايى بولجامى
استانا. KAZINFORM - «قازگيدرومەت» 9-مامىرعا ارنالعان اۋا رايى بولجامىن جاريالادى.
«وڭتۇستىك سيكلوننىڭ جانە ونىمەن بايلانىستى اتموسفەرالىق فرونتالدى ۋچاسكەلەردىڭ وتۋىمەن قازاقستاننىڭ باسىم بولىگىندە جاڭبىر جاۋىپ، نايزاعاي وينايدى، رەسپۋبليكانىڭ سولتۇستىك- باتىسىندا قاتتى جاڭبىر جاۋادى. تەك ەلىمىزدىڭ قيىر سولتۇستىگى مەن شىعىسىندا جاۋىن-شاشىنسىز اۋا رايى كۇتىلەدى. رەسپۋبليكا بويىنشا جەل كۇشەيەدى، وڭتۇستىكتە بۇرقاسىن، سولتۇستىك- باتىستا جانە سولتۇستىكتە بۇرشاق جاۋۋى مۇمكىن، سولتۇستىك- باتىستا جانە وڭتۇستىكتە شاڭدى داۋىل سوعادى»، - دەلىنگەن حابارلامادا.
قاراعاندىنىڭ باتىسىندا، وڭتۇستىگىندە، سولتۇستىگىندە، ۇلىتاۋ وبلىسىنىڭ ورتالىعىندا، باتىستا، تۇركىستان وبلىستارىنىڭ شولەيت ايماقتارىندا، اباي وبلىسىنىڭ وڭتۇستىگىندە، باتىستا، وڭتۇستىكتە جوعارى ءورت قاۋپى كۇتىلەدى.
باتىس قازاقستان وبلىسىنىڭ ورتالىعىندا، اقتوبە وبلىسىنىڭ وڭتۇستىگىندە، باتىسىندا جانە قىزىلوردا وبلىسىنىڭ شىعىسىندا ءورت قاۋپى ساقتالادى.
