جاڭبىر، بۇرشاق، جەل: 15-ماۋسىمعا ارنالعان اۋا رايى بولجامى
استانا. KAZINFORM - اتموسفەرالىق فرونتتاردىڭ وتۋىنە بايلانىستى 15-ماۋسىمدا ەلىمىزدىڭ باسىم بولىگىندە اۋا رايى قۇبىلمالى بولادى.
«قازگيدرومەت» ر م ك مالىمەتىنشە، رەسپۋبليكانىڭ شىعىسىندا جانە ورتالىعىندا كۇن كۇركىرەپ، بۇرشاق، نوسەر جاڭبىر جاۋادى.
ەلىمىزدىڭ باتىسى مەن وڭتۇستىگىندە عانا جاۋىن-شاشىنسىز اۋا رايى ساقتالادى. رەسپۋبليكا بويىنشا جەل كۇشەيەدى، تۇندە سولتۇستىكتە تۇمان تۇسەدى.
باتىس قازاقستان، اتىراۋ، اقتوبە، ماڭعىستاۋ، قوستاناي وبلىستارىندا كۇندىز قاتتى ىستىق بولادى.
ۇلىتاۋ، جامبىل، الماتى وبلىستارىندا، باتىس قازاقستاندا، اقتوبە وبلىسى ورتالىعىندا، ماڭعىستاۋ وبلىسىنىڭ جاعالاۋىندا، اقمولا وبلىسىنىڭ وڭتۇستىك- باتىسىندا، جەتىسۋ وبلىسىنىڭ باتىسىندا، اباي وبلىسىنىڭ ورتالىعىندا، وڭتۇستىگىندە، قاراعاندى وبلىسىندا، قوستاناي، شىعىس قازاقستان وبلىستارىنىڭ وڭتۇستىگىندە، قىزىلوردا وبلىسىنىڭ سولتۇستىك-باتىسىندا، شىعىسىندا جوعارى ءورت قاۋپى ساقتالادى.
اتىراۋ، ماڭعىستاۋ، تۇركىستان، قىزىلوردا وبلىستارىندا، باتىس قازاقستاننىڭ باتىسىندا، اقتوبەنىڭ وڭتۇستىگىندە، باتىسىندا، شىعىسىندا، جامبىلدىڭ وڭتۇستىگىندە، الماتى وبلىسىنىڭ ورتالىعىندا، قوستاناي، قاراعاندى وبلىستارىنىڭ وڭتۇستىگىندە، جەتىسۋ وبلىسىنىڭ شىعىسىندا توتەنشە ءورت قاۋپى بار.
