جاپپاي كوكپار قازاقستاندا ۇلتتىق برەندكە اينالدى

استانا. قازاقپارات - ۇلتتىق سپورت قاتارى تاعى ءبىر فەدەراتسيامەن تولىقتى. قازاقستان رەسپۋبليكاسىنىڭ جاپپاي كوكپار فەدەراتسياسى رەسمي تۇردە اككرەديتاتسيا الىپ، جەكە ۇيىم رەتىندە تىركەلدى، - دەپ حابارلايدى Aikyn.kz سايتى.

جاپپاي كوكپار حالىققا ورتاق، اتادان بالاعا ميراس بولىپ كەلە جاتقان قۇندى مۇرا. كوكپار كۇش پەن جىگەردىڭ، پالۋان مەن تۇلپاردىڭ ەتەنە ءبىتىسىپ، اساۋ مىنەزدى تىزگىندەيتىن الاڭ. كوكپار جاھاندانۋ داۋىرىندە ءوز ومىرشەڭدىگىن تانىتىپ، ۇلتتىق برەندكە اينالىپ وتىر.

قازاقستان رەسپۋبليكاسى ۇلتتىق سپورت قاۋىمداستىعىنىڭ ۆيتسە-پرەزيدەنتى باقىتجان تۇرلىبەكوۆ قۇتتىقتاۋ سوزىندە وسىناۋ يگى ءىستىڭ بارشا جانكۇيەرلەرىن قۇتتىقتاپ، بۇل باستامادا تابىسقا جەتەتىنىنە سەنىم ءبىلدىردى.

«بۇگىنگى قادام كوكپارعا جاڭا لەپ بەرەرى ءسوزسىز. ودان ۇلتتىق سپورت ۇتپاسا، ۇتىلمايدى. ەندى كوكپار رەسپۋبليكا بويىنشا جاڭا قارقىنمەن جۇيەلى تۇردە داميتىن بولادى»، - دەپ اتاپ ءوتتى ب. تۇرلىبەكوۆ ءوز قۇتتىقتاۋ سوزىندە.