جاڭا زاڭ شىعارعانشا، بار زاڭنىڭ تيىمدىلىگىن ارتتىرۋ قاجەت - سەناتور

ق ر پارلامەنتى سەناتى دەپۋتاتى دانيا ەسپايەۆا جاڭا زاڭدار قابىلداۋمەن ەلدىڭ بۇكىل پروبلەماسى شەشىلمەيتىنىن ايتتى، دەپ حابارلايدى Kazinform.

«ەلدەگى كوپتەگەن ماسەلەلەردى شەشۋ دەگەنىمىز جاڭا زاڭدار قابىلداۋ عانا ەمەس. سونداي-اق زاڭنامالىق پروتسەستى عىلىمي قامتاماسىز ەتۋدى جەتىلدىرۋ قاجەت. سوڭعى جىلدارى عىلىمعا، زاڭنامانىڭ ستراتەگيالىق دامۋىنا جەتكىلىكسىز كوڭىل بولىنۋدە. زەرتتەۋشىلەر ونى دامىتۋ ءۇشىن تولىققاندى عىلىمي نەگىز قالىپتاستىرعاننان گورى قولدانىستاعى قۇقىقتى سىنعا الادى نەمەسە وعان تۇسىنىكتەمە بەرەدى، - دەدى دانيا ەسپايەۆا «ازاماتتىق قوعام مەن پارلامەنتشىلەردىڭ زاڭ شىعارۋ سالاسىنداعى ىنتىماقتاستىق فورماتتارى تۋرالى ديالوگى» اتتى دوڭگەلەك ۇستەل بارىسىندا.

سەنات دەپۋتاتىنىڭ ايتۋىنشا، زاڭ جوبالاردىڭ قازاق تىلىندەگى ماتىندەرىنىڭ ساپاسىن ارتتىرۋ قاجەت.

«ءبىزدىڭ زاڭدارىمىز كوبىنەسە ساياساتتاعى، ەكونوميكاداعى جانە قوعامدىق ومىردەگى جەدەل ماسەلەلەردى شەشۋگە باعىتتالعان. بۇل ءبىزدىڭ قىزمەتىمىزگە سىني كوزقاراس تۋىنداتادى جانە سەنىمسىزدىك تۋدىرادى. جاڭا زاڭ شىعارىپ قابىلداۋدىڭ ورنىنا قولدانىستاعى زاڭداردىڭ تيىمدىلىگىن ارتتىرۋ قاجەت. سونداي-اق زاڭنىڭ قۇقىقتىق ءتۇسىندىرۋ جۇمىستارىن ۋاقتىلى جۇرگىزۋ قاجەت. كەز كەلگەن قۇقىقتىق جاڭاشىلدىققا باستاماس بۇرىن مەملەكەت حالىقپەن ءتۇسىندىرۋ جۇمىستارىن بەلسەندى جۇرگىزۋى ءتيىس. حالىق نە ءۇشىن جانە قانداي ماقساتتا وزگەرىستەر ەنگىزىلىپ، جاڭا زاڭدار قابىلداناتىنىن ءبىلۋى كەرەك»، - دەيدى ول.

استانادا «ازاماتتىق قوعام مەن پارلامەنتشىلەردىڭ زاڭ شىعارۋ سالاسىنداعى ىنتىماقتاستىق فورماتتارى تۋرالى ديالوگى» اتتى دوڭگەلەك ۇستەل ءوتىپ جاتىر.