جاڭا ورلەانداعى قايعىلى وقيعا. پرەزيدەنت دجوزەف بايدەنگە كوڭىل ايتتى
استانا. KAZINFORM - قاسىم- جومارت توقايەۆ دجوزەف بايدەنگە كوڭىل ايتۋ جەدەلحاتىن جولدادى، دەپ حابارلايدى اقوردا.
- مەملەكەت باسشىسى جاڭا ورلەان قالاسىنداعى قايعىلى وقيعا سالدارىنان كوپتەگەن ادامنىڭ قازا بولعانى تۋرالى سۋىت حاباردى كۇيزەلىسپەن قابىلداعانىن جەتكىزىپ، ا ق ش پرەزيدەنتى مەن جاقىنىنان ايىرىلعان وتباسىلارعا ءوزىنىڭ جانە قازاقستان حالقىنىڭ اتىنان كوڭىل ايتتى. سونىمەن قاتار پرەزيدەنت زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىرىپ، مۇنداي قاستاندىق ارەكەتتى قاتاڭ ايىپتايتىنىن جەتكىزدى، - دەلىنگەن حابارلامادا.
ەسكە سالساق، ا ق ش- تىڭ جاڭا ورلەان قالاسىنىڭ ورتالىعىنداعى بۋربون كوشەسىندە قايعىلى جاعداي بولدى. كولىك تىزگىندەگەن قىلمىسكەر بۋربون كوشەسىندە جاڭا جىلدى تويلاۋعا جينالعانداردىڭ بىرنەشەۋىن قاعىپ كەتكەن. سودان كەيىن ول كولىگىنەن ءتۇسىپ، ادامدارعا وق جاۋدىرعان. جانتۇرشىگەرلىك وقيعادان 15 ادام قازا تاۋىپ، 35 ادام جاراقات الدى.
