جاڭا وقۋ جىلى: بولىنگەن گرانت سانى ناقتىلاندى

استانا. قازاقپارات - 2024-2025 وقۋ جىلىنا ارنالعان مەملەكەتتىك تاپسىرىستا 112 مىڭ گرانت قامتىلدى. بۇل تۋرالى ق ر عىلىم جانە جوعارى ءبىلىم مينيسترلىگىنىڭ جوعارى جانە جوعارى وقۋ ورنىنان كەيىنگى ءبىلىم كوميتەتى ءمالىم ەتتى.

«ەلىمىزدە جوعارى ءبىلىمدى حالىق سانىن ارتتىرۋ ماقساتىندا جوعارى ءبىلىم بەرۋدىڭ بارلىق دەڭگەيى بويىنشا 2024-2025 وقۋ جىلىنا ارنالعان مەملەكەتتىك تاپسىرىستا 112 مىڭ گرانت (باكالاۆريات-79 مىڭعا جۋىق گرانت، ماگيستراتۋراعا -13 مىڭعا تارتا، دوكتورانتۋرا -1900 استام گرانت) بولىنگەن.

گرانتتاردىڭ باسىم بولىگى «ينجەنەرلىك، وڭدەۋ، قۇرىلىس سالالارى» ءبىلىم بەرۋ باعدارلاما توپتارىنا ءبولىندى. ولاردىڭ سانى 19344 گرانتتى قۇرادى. ال «پەداگوگيكالىق عىلىمدارعا» - 13735 گرانت، «اقپاراتتىق-كوممۋنيكاتسيالىق تەحنولوگيالار» سالاسىنا - 10903 گرانت، «جاراتىلىس تانۋ عىلىمدارى، ماتەماتيكا جانە ستاتيستيكا» باعىتىنا 8288 گرانت تيەسىلى»، - دەلىنگەن دەلىنگەن ۆەدومستۆونىڭ Kazinform اگەنتتىگىنە بەرگەن جاۋابىندا.

بيىل العاش رەت ءىشىنارا وقۋ اقىسى بار سارالانعان گرانتتار ەنگىزىلدى. «پەداگوگيكالىق عىلىمدار» جانە «الەۋمەتتىك عىلىمدار، جۋرناليستيكا جانە اقپارات» ءبىلىم بەرۋ باعدارلامالار توبى بويىنشا 150 سارالانعان گرانتتان بولىنگەن.

بۇدان بولەك، «سەرپىن» باعدارلاماسى ارقىلى وقۋعا تۇسەتىندەرگە 3903 گرانت بولىنگەن. «سەرپىن» جوباسى ارقىلى 4 دايارلاۋ باعىتى بويىنشا ءبىلىم الۋعا بولادى. اتاپ ايتقاندا، پەداگوگيكالىق عىلىمدار، ينجەنەرلىك-تەحنيكالىق، اقپاراتتىق تەحنولوگيالار، اۋىل شارۋاشىلىعى ماماندىقتارى بويىنشا وقۋعا تۇسە الادى. باعدارلاماعا وڭتۇستىك وڭىردەگى اۋىل جاستارى قاتىسادى. گرانتتار تىزىمىندە حالىق تىعىز قونىستانعان جانە باتىس وڭىرلەردىڭ جاستارىن جەتەكشى جوعارى وقۋ ورىندارىندا وقىتۋ ءۇشىن ماقساتتى ءبىلىم بەرۋ گرانتى بار. ونىڭ ىشىندە گرانتتار اتىراۋ جانە ماڭعىستاۋ وبلىسى تۇلەكتەرىنە ارنالعان.

بۇدان بۇرىن حابارلانعانداي، بيىل ۇبت اياسىندا گرانت كونكۋرسىنا ءوتىنىش 13-20-شىلدە ارالىعىندا قابىلدانادى.

تاسقىننان زارداپ شەككەن ءوڭىر تۇلەكتەرىنە 12 مىڭ ءبىلىم گرانتى ارنايى ءبولىندى.