09:31, 22 - ماۋسىم 2024 | GMT +6
جاڭا سالىق كودەكسىنىڭ جوباسى جاريالاندى
استانا. KAZINFORM - قازاقستان ۇلتتىق ەكونوميكا مينيسترلىگى «اشىق ن ق ا» پورتالىندا جاڭا سالىق كودەكسىنىڭ جوباسى ورنالاستىرىلعانىن حابارلادى.
مينيسترلىك اتالعان جوبانى تالقىلاۋعا قاتىسۋعا شاقىردى.
«وسى كودەكس سالىق سالۋدىڭ نەگىز قۇراۋشى قاعيداتتارىن بەلگىلەيدى. سالىقتاردى جانە بيۋجەتكە تولەنەتىن باسقا دا مىندەتتى تولەمدەردى بەلگىلەۋ، ەنگىزۋ، وزگەرتۋ، ولاردىڭ كۇشىن جويۋ، ەسەپتەۋ مەن تولەۋ ءتارتىبى جونىندەگى بيلىك قاتىناستارىن، سونداي-اق سالىقتىق مىندەتتەمەنى ورىنداۋعا بايلانىستى مەملەكەت پەن سالىق تولەۋشى اراسىنداعى قاتىناستاردى رەتتەيدى»، - دەلىنگەن قۇجاتتا.
ايتا كەتەيىك، جاڭا سالىق كودەكسى كەيبىر سالىق تولەۋشىلەردى جەكە كاسىپكەر رەتىندە تىركەلۋدەن بوساتادى.
ماجىلىستە جاڭا سالىق كودەكسىنىڭ نەگىزگى باعىتتارى تانىستىرىلدى.
