جاڭا قاۋىپ: ا ق ش اۋەجايلارىندا COVID‑19 جاڭا سابۆاريانتى انىقتالدى
استانا. قازاقپارات - CDC (اۋرۋلاردى باقىلاۋ جانە الدىن الۋ ورتالىعى) مالىمەتىنە سايكەس، NB.1.8.1 دەپ اتالعان بۇل جاڭا شتامم شەتەلدىك جولاۋشىلاردان الىنعان سىنامالاردا كاليفورنيا، ۆاشينگتون شتاتى، ۆيردجينيا جانە نيۋ-يورك ماڭىنداعى اۋەجايلاردا تابىلدى، دەپ جازدى Hindustantimes.com سايتى.
بۇل ۆاريانت قىتاي مەن ازيانىڭ باسقا بولىكتەرىندە تەز تارالىپ جاتىر. تەستىلەۋ 22 -ءساۋىر مەن 12 -مامىر ارالىعىندا جۇرگىزىلگەن. جاپونيا، وڭتۇستىك كورەيا، فرانسيا، قىتاي سياقتى بىرنەشە ەلگە ساياحات جاساعان ادامدارمەن بايلانىستى بولعانداردا انىقتالىپ وتىر.
كەيبىر ا ق ش شتاتتارى - وڭتۇستىك وگايو، رود- ايلەند جانە گاۆاي -دا اۋەجايعا تىكەلەي بايلانىسى جوق العاشقى جاعدايلاردى تىركەدى. كاليفورنيا مەن ۆاشينگتون شتاتتارىندا العاشقى وقيعالار ناۋرىزدىڭ سوڭىندا جانە ءساۋىردىڭ باسىندا تىركەلگەن.
جۇيەلىك دەنساۋلىق ساقتاۋ جاعدايى
گونكونگ: COVID ناۋقاستارىنىڭ سانى كۇرت ءوسىپ، اۋرۋحانالاردا ورىن تاپشى. ادامداردان اسىرەسە كوپ جينالاتىن جەرلەردە جانە قوعامدىق كولىكتە بەتپەردە تاعۋ تالاپ ەتىلىپ وتىر.
تايۆان: اۋرۋدىڭ اۋىر تۇرىمەن جاتقان ناۋقاستار كوبەيىپ، ۆاكسينا مەن ەم- دوم قورىن ارتتىرۋعا كوڭىل بولىنگەن.
العاشقى زەرتتەۋلەر NB.1.8.1 شتاممىنىڭ تارالۋ جىلدامدىعى جوعارى ەكەنىن كورسەتتى، ءبىراق اۋىرلىعى جاعىنان بۇرىنعىلاردان ايتارلىقتاي وزگەشە ەمەس. بۇل ۆاريانت JN.1 توبىنان تۋىنداعان جانە قولدانىستاعى ۆاكسينالار وعان قارسى دا قورعانىس بەرەدى دەپ ەسەپتەلەدى.
ۆاكسينالاردى جاڭارتۋ ماسەلەسى
ا ق ش دەنساۋلىق ساقتاۋ سالاسىنىڭ ماماندارى كۇز بەن قىستا قولدانىلاتىن COVID-19 ۆاكسينالارىن قايتا قاراۋدى جوسپارلاپ وتىر. كەيبىر ساراپشىلار جاڭا LP.8.1 ۆاريانتاعا باعىتتالعان ۆاكتسينا نۇسقاسىنا كوشۋ قاجەت ەكەنىن العا تارتىپ، بۇل NB.1.8.1-گە دە قارسى يممۋنيتەتتى كۇشەيتەدى دەيدى .
قازىرگى ۋاقىتتا ا ق ش- تاعى COVID كورسەتكىشتەرى تومەندەدى، ءبىراق ماماندار ۆيرۋستىڭ ماۋسىمدىق سيپاتتامالارى مەن جاڭا نۇسقالارىن ۇنەمى باقىلاۋدا ۇستايدى .
دۇنيەجۇزىلىك دەنساۋلىق ساقتاۋ ۇيىمىنىڭ پىكىرىنشە، بۇل شتامم العاش رەت 22 -قاڭتار 2025 -جىلى انىقتالعان. ۇيىم ۆيرۋستىڭ NB.1.8.1 نۇسقاسىن 2025 -جىلعى 23 -مامىردا «بايقالىپ وتىرعان ۆاريانت» (Variant Under Monitoring) رەتىندە تىركەدى.
ەسكە سالا كەتەيىك، بۇعان دەيىن ازيادا COVID-19 جۇقتىرعاندار سانى كوبەيىپ بارا جاتقانىن جازعان ەدىك.
