جاڭا مينيستر نۇرلان بايبازاروۆ ۇلتتىق ەكونوميكانى قالاي رەفورمالايتىنىن ايتتى
استانا. KAZINFORM - پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى نۇرلان بايبازاروۆ ۇكىمەتتىڭ كەڭەيتىلگەن وتىرىسىنان كەيىن ب ا ق وكىلدەرىنىڭ سۇراعىنا بەرگەن جاۋابىندا ۇلتتىق ەكونوميكانى قالاي رەفورمالايتىنىن ايتتى.
«مەملەكەت باسشىسى «جاڭا ەكونوميكالىق ساياسات» باعدارىنىڭ نەگىزىندە جاڭا باعىتتاردى بەلگىلەدى. ونىڭ ءبارى ەلىمىزدىڭ الەۋمەتتىك- ەكونوميكالىق دامۋ باعىتتارى. سوعان بايلانىستى ەكى نەگىزگى باعىتتى ايتۋعا بولادى - ەكونوميكاداعى قۇرىلىمدى وزگەرىستەر جانە ەكونوميكا سالالارىنداعى رەفورمالار. ونىڭ ءبارى ينۆەستيتسيالاردى تارتۋ، سالىق جانە بيۋدجەت جۇيەسىنە اسەر ەتەدى»، - دەدى نۇرلان بايبازاروۆ.
«سوندا سىزگە دەيىنگى ءمينيستردىڭ قولىنان بۇل كەلمەگەن بە؟» - دەپ سۇرادى جۋرناليست. جاڭا مينيستر ونداي پايىممەن كەلىسپەيتىنىن ايتتى.
«ول جۇمىستار باستالعان، ەندى ونى دۇرىستاپ اياقتاپ، جاڭا ەكونوميكالىق وسىمگە جاعداي جاساۋ قاجەت»،- دەدى ۇلتتىق ەكونوميكا ءمينيسترى.
