16:15, 25 - قاراشا 2024 | GMT +5
جاڭا مۇناي وڭدەۋ زاۋىتى باتىس وڭىردە سالىنادى - مينيستر
استانا. KAZINFORM - ەلىمىزدە جاڭا مۇناي وڭدەۋ زاۋىتى باتىس وڭىردە سالىنادى. بۇل تۋرالى ق ر ەنەرگەتيكا ءمينيسترى الماسادام ساتقاليەۆ ءمالىم ەتتى.
«2030-جىلدان كەيىن ءتورتىنشى مۇناي وڭدەۋ زاۋىتىن سالۋ جوسپارى بار. بۇل تەك مۇناي وڭدەيتىن زاۋىت قانا ەمەس، سونىمەن قاتار وندا تۇتاس مۇناي-گاز ءارى حيميالىق كەشەن قامتىلادى. الدىن الا تالقىلاۋ بارىسىندا باتىس قازاقستان ءوڭىرىن تاڭدادىق»، - دەدى ا. ساتقاليەۆ پارلامەنت ماجىلىستەگى ۇكىمەت ساعاتىنان كەيىن تىلشىلەر سۇراعىنا جاۋاپ بەرە وتىرىپ.
ونىڭ ايتۋىنشا، بۇل زاۋىتتا جىلىنا 10 ميلليون تونناعا دەيىن مۇناي وڭدەلەدى.
بۇعان دەيىن ءتورتىنشى مۇناي وڭدەۋ زاۋىتىنىڭ قۇرىلىسى نەگە 2030-جىلعا شەگەرىلگەنىن جازعان ەدىك.
