جاڭا جىلدىق مەرەكەدە پيروتەحنيكالىق قۇرالداردان 63 ادام زارداپ شەكتى
استانا. KAZINFORM - جاڭا جىلدىق مەرەكەدە پيروتەحنيكالىق قۇرالداردى پايدالانۋدان 63 ادام، ونىڭ ىشىندە 20 بالا زارداپ شەكتى.
ونىڭ 12 ءسى، ونىڭ ىشىندە 5 بالا ستاتسيونارعا ەمدەۋگە جاتقىزىلدى جانە 51 پاتسيەنت، ونىڭ ىشىندە 15 بالا امبۋلاتوريالىق ەم الىپ جاتىر. بۇل تۋرالى وبلىستاردىڭ جانە رەسپۋبليكالىق ماڭىزى بار قالالار مەن استانانىڭ دەنساۋلىق ساقتاۋ باسقارمالارى حابارلادى.
وڭىرلەر بولىنىسىندە: الماتى قالاسىندا - 19 ادام، جامبىل وبلىسىندا - 11 ادام، سونداي- اق قاراعاندى، ماڭعىستاۋ، قوستاناي وبلىستارىندا جانە شىمكەنت قالاسىندا - 6 ادام، اقتوبە وبلىسىندا-2 ادام، اقمولا، قىزىلوردا، اتىراۋ جانە شىعىس قازاقستان، باتىس قازاقستان، الماتى وبلىستارىندا جانە اباي وبلىسىندا ءبىر- ءبىر ادامنان زارداپ شەكتى.
ولاردىڭ باسىم بولىگىنە كوز جاراقاتتارى، كوزدىڭ ءمولدىرقابىعىنىڭ كۇيىكتەرى، قولدىڭ كۇيىكتەرى مەن جاراقاتتارى دياگنوزى قويىلعان. ءبىر پاتسيەنت ىشپەردە قابىرعاسىنىڭ جاراقاتىن الدى، جاعدايى ورتاشا اۋىرلىق دارەجەسىندە، تۇراقتى، ستاتسيوناردا ەم قابىلداپ جاتىر.
بارلىق زارداپ شەگۋشىگە تولىق كولەمدە مەديتسينالىق كومەك كورسەتىلەدى.
