جاڭا جىلداعى رەكورد: قىتايدىڭ حاربين قالاسىنا 3 ميلليوننان استام تۋريست كەلگەن

جاڭا جىلدىق دەمالىس ۋاقىتىندا سولتۇستىك-شىعىس قىتايداعى حۇيلۇڭجياڭ پروۆينتسياسىنىڭ اكىمشىلىك ورتالىعى حاربين قالاسىنا 3,05 ميلليونعا جۋىق تۋريست كەلگەن. ال، تۋريزمنەن قالانىڭ تاپقان تابىسى - 5,91 ميلليارد يۋان (832,39 ميلليون ا ق ش دوللارىنا جۋىق) بولدى. Kazinform بۇل تۋرالى شينحۋا اگەنتتىگىنە سىلتەمە جاساپ حابارلايدى.

قالالىق كوممەرتسيا باسقارماسىنىڭ دەرەگى بويىنشا، وسى ۋاقىت ارالىعىندا قوناق ءۇي بيزنەسى مەن قوعامدىق تاماقتانۋ سالاسىندا 129,4 پايىزدىق ءوسىم تىركەلگەن.

قالالىق تۋريزم دەپارتامەنتىنىڭ قىزمەتكەرى ۆان ءحۋنسيننىڭ ايتۋىنشا، حاربينگە تۋريستەر اعىنىنىڭ ارتۋىنا الەۋمەتتىك جەلىلەردەگى تانىمالدىعى سەبەپ بولىپ، ەلدىڭ ەڭ تانىمال تۋريستىك باعىتىنا اينالعان.

سونداي-اق قالاعا كوپ تۋريستەردى تارتۋ جانە كورسەتىلەتىن قىزمەتتەر ساپاسىن ارتتىرۋ ءۇشىن حاربيندە ءبىرقاتار ءىس-شارا، ونىڭ ىشىندە جاڭا جىل ءتۇنى جاندى داۋىستا ءان ايتۋ، وتشاشۋ شوۋى، ساياباقتارعا سەرۋەن جانە كونسەرتتىك باعدارلامالار ۇيىمداستىرىلدى.

حاربين بيلىگى تاماقتانۋ، ورنالاسۋ، تۋريزم، ساۋدا مەن ويىن-ساۋىق سىندى ورىندارعا باراتىن تۋريستەردىڭ تاجىريبەسىن ارتتىرۋ ماقساتىندا ءبىرقاتار ءىس-شارا قابىلدادى.

حاربين بيلىگى سونىمەن قاتار قالادا تاماقتانۋ، قوناقۇيلەرگە ورنالاسۋ، تۋريزم، ساۋدا جانە ويىن-ساۋىقتى جاقسارتۋ ءۇشىن ءتيىستى شارالاردى قابىلداپ جاتىر.