جاڭا جىلدا كىمدەرگە ايىپپۇل سالىنادى
جاڭا جىل مەرەكەسى كەزىندە قانداي ارەكەتتەر ءۇشىن ايىپپۇل سالاتىنىن بىلە جۇرگەنىڭىز ءجون، دەپ حابارلايدى El.kz اقپارات اگەنتتىگى.
جاڭا جىل مەرەكەسى 30-جەلتوقساننان 2-قاڭتارعا دەيىن اتاپ وتىلەدى. مەرەكە قارساڭىندا قانداي زاڭبۇزۋشىلىققا جول بەرمەۋ كەرەك ەكەنىنە توقتالايىق.
تىنىشتىقتى ساقتاۋ
مەرەكە قارساڭىندا نەمەسە مەرەكە كۇندەرى كوپپاتەرلى تۇرعىن ۇيلەردە تىنىشتىق ساقتاۋ ماڭىزدى. جۇمىس كۇندەرى ساعات 22:00 دەن 09:00 گە دەيىن، ال دەمالىس كۇندەرى 23:00 دەن تاڭعى 10 عا دەيىن شۋ شىعارماۋ قاجەت.
بۇل ەرەجە بۇزىلعان جاعدايدا ا ق ب ت ك-نىڭ 437-بابىنا سايكەس، 5 ايلىق ەسەپتىك كورسەتكىش (ا ە ك) مولشەرىندە ايىپپۇل سالىنادى - (2023 -جىلى بۇل - 17250 تەڭگە)، ال كەلەسى جىلدىڭ 1-قاڭتارىنان باستاپ ايىپپۇل مولشەرى 18460 تەڭگەگە ارتادى. ەگەر جاعداي قايتالانسا، ايىپپۇل مولشەرى ەكى ەسەگە وسەدى (34500 تەڭگەگە جانە 36920 تەڭگەگە). ال مەكەمەسى تۇرعىن ۇيدە ورنالاسقان كاسىپكەرلەرگە بەلگىلەنگەن شۋ دەڭگەيىنەن اسىپ كەتكەنى ءۇشىن 20 دان 100 ا ە ك-كە دەيىن، ياعني، 69 مىڭ تەڭگەدەن 369 مىڭ تەڭگە ارالىعى ايىپپۇل سالىنادى.
وتشاشۋدىڭ ەرەجەسى
وتشاشۋدى قۇرىلىس نىساندارىنان كەم دەگەندە 50 مەتر شالعاي جەردە اتۋ كەرەك. اعاشتىڭ تۇبىندە نەمەسە ەلەكتر جەلىلەردىڭ استىندا جانە تەز تۇتاناتىن زاتتاردىڭ ماڭايىندا قولدانۋعا تىيىم سالىنعان. بۇدان بولەك، كولىك تۇراعىندا فەيەرۆەرك اتۋعا بولمايدى. ادامدار وسىنداي زاڭ بۇزۋشىلىقتى كورسە، ءبارىن ۆيدەو مەن فوتوعا ءتۇسىرىپ الۋعا بولادى. سوسىن پوليتسياعا حابار بەرۋ كەرەك.
وتشاشۋ كەزىندە كورەرمەن پيروتەحنيكانى اتۋ الاڭىنان كەمىندە 35-50 مەتر قاشىقتا تۇرىپ، جەل وتىندە بولماۋى كەرەك.
بۇل تالاپتار بۇزىلعان جاعدايدا ا ق ب ت ك-نىڭ 436-بابى بويىنشا 20 دان 30 ا ە ك-كە دەيىن (2023 -جىلى بۇل - 103500 تەڭگەگە دەيىن، 2024 -جىلى - 110760 تەڭگەگە جەتەدى) ايىپپۇل سالىنۋى ىقتيمال.
شىرشا كەسۋ
15-جەلتوقساننان باستاپ ءى ءى م «شىرشا» اكسياسىن باستادى. اكسيا بارىسىندا تابيعاتتى قورعاۋ پوليتسياسىنىڭ قىزمەتكەرلەرى ورمان القاپتارى بويىنشا رەيدتەر جۇرگىزەدى. جابايى شىرشانى كەسكەندەر اكىمشىلىك قۇقىق بۇزۋشىلىق تۋرالى كودەكستىڭ (ا ق ب ت ك) 381-1 بابىنا سايكەس جاۋاپقا تارتىلادى. ايىپپۇل كولەمى 50 ا ە ك-تەن، ياعني 172500 تەڭگەدەن باستالادى. ەگەر قۇقىققا قايشى ارەكەتتەرمەن ەلەۋلى زالال كەلتىرىلسە، وندا بۇل جاعدايدا 160 ا ە ك-تەن 10 جىلعا دەيىن باس بوستاندىعىنان ايىرۋ جازاسى قاراستىرىلعان
ورمان قورىنا كىرمەيتىن جانە كەسۋگە تىيىم سالىنعان اعاشتار مەن بۇتالاردى زاڭسىز كەسۋ، جويۋ نەمەسە زاقىمداۋ؛ ورمان داقىلدارىن، ورمان پيتومنيكتەرى مەن پلانتاتسيالارىنداعى ەگىلگەن نە وتىرعىزىلعان كوشەتتەردى، سونداي-اق ورمانداردى مولىقتىرۋ جانە ورمان وسىرۋگە ارنالعان الاڭداردا ءوزى ءوسىپ شىققان شىبىقتاردى، وسكىندەردى نە قولدان وتىرعىزىلعان ەكپەلەردى جويۋ نەمەسە زاقىمداۋ.
دەگەنمەن، قازاقستاندىقتار جەكە ۋچاسكەلەرىندەگى اعاشتار مەن بۇتالاردى سىندىرعانى ءۇشىن ەشقانداي جازا قاراستىرىلماعان. لاۋازىمدى تۇلعالار مەن شاعىن كاسىپكەرلەر ءۇشىن اتالعان ايىپپۇل مولشەرى - 150 ا ە ك (جەلتوقساندا 517500 تەڭگە). ءىرى كاسىپ وكىلدەرىنە ءتارتىپ بۇزۋ قۇرالدارىن (اۆتوكولىك، قۇرال- سايماندار، كەسىلگەن اعاشتار) تاركىلەي وتىرىپ، 500 ا ە ك-كە دەيىن (1,7 ميلليون تەڭگەدەن استام) ايىپپۇل سالىنادى.
ەگەر كەلتىرىلگەن زالال 50 ا ە ك (172500 تەڭگە) سوماسىنان اسىپ كەتسە، جەكە تۇلعالار مەن زاڭدى تۇلعالار قىلمىستىق جاۋاپكەرشىلىككە تارتىلۋى مۇمكىن. سونداي-اق ەگەر شىرشا ورمان قورىنىڭ ءبىر بولىگى ەكەنى انىقتالىپ، كەلتىرىلگەن زالال شىعىنى 50 ا ە ك-كە دەيىن بولسا، قازاقستاندىقتار ەكى ەسە كوپ، ياعني 100 ا ە ك (345000 تەڭگە) دەڭگەيىندە ايىپپۇل تولەيدى.
ال ەرەكشە قورعالاتىن تابيعي اۋماقتارداعى اعاش كەسىلسە نەمەسە ءبىر جىل ىشىندە اتالعان بۇزۋشىلىق قايتالانسا، ادام 150 ا ە ك (517000 تەڭگە) مولشەرىندە ايىپپۇل تولەۋگە ءتيىس. زاڭدى تۇلعالار ءۇشىن بۇل كورسەتكىش - 1500 ا ە ك-كە (5,175 ميلليون تەڭگە) دەيىن جەتۋى مۇمكىن.
