14:35, 02 - قاڭتار 2025 | GMT +5
جاڭا جىل تۇنىندە جاڭا ورلەانداعى وقيعادان كوز جۇمعانداردىڭ سانى 15 كە جەتتى
استانا. KAZINFORM - ا ق ش-تىڭ جاڭا ورلەان قالاسىنىڭ ورتالىعىنداعى بۋربون كوشەسىندە قايعىلى جاعداي بولدى. جان تۇرشىگەرلىك وقيعادان 15 ادام قازا تاۋىپ، 35 ادام جاراقات الدى. بۇل تۋرالى BBC حابارلادى.
كولىك تىزگىندەگەن قىلمىسكەر بۋربون كوشەسىندە جاڭا جىلدى تويلاۋعا جينالعانداردىڭ بىرنەشەۋىن قاعىپ كەتكەن. سودان كەيىن ول كولىگىنەن ءتۇسىپ، ادامدارعا وق جاۋدىرعان. اتىس كەزىندە ەكى پوليتسيا قىزمەتكەرى جارالاندى.
پوليتسەيلەردىڭ پايىمداۋىنشا، جۇرگىزۋشى ادامداردى ادەيى باسىپ كەتكەن. ف ب ر وقيعانى تەراكت رەتىندە تەرگەپ جاتقانىن ايتتى.
ولار بىردەن مۇنداي قورىتىندىعا بىردەن كەلگەن جوق: العاشقى تۇسىنىكتەمەلەردە بيۋرو وكىلدەرى بۇل وقيعانى تەراكت دەپ سانامايتىندارىن ايتقان ەدى.
اۆتور
ابىلايحان جۇماشەۆ
