Jýsan Bank ا ت ف بانكتى ساتىپ الادى
نۇر- سۇلتان. قازاقپارات - Jýsan Bank پەن ا ت ف بانك اكسيونەرى ع. ەسەنوۆ Jýsan Bank ا ت ف بانكتىڭ اكسياسىنىڭ 99,76 پايىزىن ساتىپ الۋى تۋرالى الدىن الا كەلىسىمگە قول جەتكىزدى، دەپ حابارلايدى قازاقپارات ءتىلشىسى.
قول قويىلعان كەلىسىم اياسىندا 2020 -جىلدىڭ قاراشاسىندا تاراپتار ا ت ف بانك اكتسيالارىن ساتىپ الۋ- ساتۋ كەلىسىمشارتىن جاساسۋعا نيەتتى.
«ساتىپ الۋ- ساتۋ كەلىسىمشارتىنا قول قويىلعاننان سوڭ، سونىمەن قاتار ق ر قارجى نارىعىن رەتتەۋ جانە دامىتۋ اگەنتتىگى ماقۇلداعاننان كەيىن، ا ت ف بانكتىڭ قازىرگى اكتسيونەرى Jýsan Bank- ءتىڭ قوسىمشا ەميسسياسى اياسىندا Jýsan Bank اكسياسىنىڭ ءبىر بولىگىن ساتىپ الادى. ساتىپ الۋ- ساتۋ كەلىسىمشارتى جاسالعاننان كەيىن ەكى بانك ءبىرىڭعاي ستراتەگياسى اياسىندا بىرلەسكەن فورماتتا جۇمىس ىستەيتىن بولادى. قايتا قۇرىلىمداۋ بارىسىندا ا ت ف بانكتىڭ بارلىق قىزمەتتەرى ستاندارتتى رەجيمدە جۇمىسىن جالعاستىرادى. بۇل ا ت ف بانكتىڭ قولدانىستاعى بارلىق قىزمەتتەرىن ونىڭ كليەنتتەرىنىڭ تولىق كولەمدە الۋىن ساقتاۋعا جانە قامتاماسىز ەتۋگە مۇمكىندىك بەرەدى»، - دەدى Jýsan Bankءتىڭ باسپا ءسوز قىزمەتىنەن.
