قوستانايدا تۇڭعىش حالىقارالىق IT مەكتەپ اشىلدى

IT مەكتەپ - Lerna حالىقارالىق IT جوباسى نەگىزىندە جاسالعان وففلاين جانە ونلاين وقىتاتىن بىرەگەي باعدارلاما
«IT باعىت - الەمدەگى ەڭ قارقىندى دامىپ كەلە جاتقان باعىتتاردىڭ ءبىرى. ونىمەن قوسا ەلدە IT سالاسىندا كادرلاردىڭ جوعارى تاپشىلىعى بار. سوندىقتان پرەزيدەنت ءوز جولداۋىندا 2025 -جىلعا دەيىن 100 مىڭ جوعارى بىلىكتى IT ماماندى دايارلاۋدى تاپسىردى. وڭىرىمىزدە بيىلعى جىلى – 135، 2025 -جىلعا قاراي 540 مامان دايارلاۋ مىندەتى تۇر»، - دەدى قوستاناي وبلىسى اكىمدىگىنىڭ اقپاراتتاندىرۋ، مەملەكەتتىك قىزمەتتەردى كورسەتۋ جانە ارحيۆتەر باسقارماسىنىڭ باسشىسى ازامات قاشيەۆ.
جاڭا وقۋ ورنىندا جاستاردى IT جانە Digital سالاسىنداعى زاماناۋي ماماندىقتار بويىنشا وقىتۋ جوسپارلانۋدا. ءبىرىنشى كۋرس - Python-دا باعدارلامالاۋ. Python - باعدارلامالاۋداعى ەڭ تانىمال تىلدەردىڭ ءبىرى. باعدارلاما ۆەب- ازىرلەۋدە، قولدانبالاردى جاساۋدا، دەرەكتەردى تالداۋدا، اۆتوماتتاندىرۋ جۇيەلەرىندە قولدانىلادى. ستۋدەنتتەر وقۋ سوڭىندا حالىقارالىق سەرتيفيكات (ديپلوم) الادى. وقۋ ۇزاقتىعى - 18 اپتا. مەكتەپ مامىر ايىنىڭ باسىندا تولىقتاي قىزمەتىنە كىرىسەدى.