نۇر- سۇلتاننىڭ ءاربىر تۇرعىن ءۇي الابىندا iQala كەڭسەسى اشىلادى

«قازىرگى ۋاقىتتا نۇر-سۇلتان قالاسىنىڭ اكىمدىگى مەملەكەتتىك قىزمەتتىڭ 164 ءتۇرىن كورسەتەدى. ونىڭ ىشىندە 12 مەملەكەتتىك قىزمەت قاعاز نۇسقادا كورسەتىلەدى. ءبىزدىڭ باسقارما «ns.gov.kz» پورتالىن ازىرلەگەن بولاتىن. وسى 12 قىزمەت ءتۇرىن وسى پورتال ارقىلى ەلەكتروندى تۇردە الۋعا بولادى. بۇل پورتالدى حالىق پاندەميا مەن لوكداۋندار كەزىندە بەلسەندى پايدالاندى. سونداي-اق، گەوپورتال بازاسىندا ساۋلەت جانە جەر قاتىناستارى سالاسىنداعى 16 قىزمەت اۆتوماتتاندىرىلدى. بۇل بازا eGov-پەن ينتەگراتسيالاندى. ياعني، eGov-تان جىبەرگەن وتىنىمدەرى اۆتوماتتى تۇردە ءبىزدىڭ پورتالعا تۇسەدى. قازىر اقپاراتتىق قاۋىپسىزدىگىن سىناقتان وتكىزىپ جاتىرمىز. سىناق بىتكەن سوڭ جۇيە ىسكە قوسىلادى»، - دەدى اكىمدىك وكىلى قالالىق ءماسليحاتتىڭ تۇراقتى كوميسسيا وتىرىسىندا.
سونداي-اق، ول «ءبىر تەرەزە» قاعيداتى بويىنشا قىزمەت كورسەتەتىن iQala ورتالىعىنىڭ اياسىن كەڭەيتۋ قاجەتتىگىن اتادى.
«iQala ورتالىعىنىڭ ىسكە قوسىلعاننان بەرى 270 مىڭ قىزمەت كورسەتىلدى. ونىڭ 49 مىڭى بيىل كورسەتىلدى. بيىل وسى iQala ورتالىعىنىڭ اۋقىمىن كەڭەيتىپ، سارىارقا، ەسىل اۋداندارىندا قوسىمشا كەڭسەلەرىن اشپاقشىمىز. بۇل ورتالىقتان قىزمەتتىڭ ءبارىن ەلەكتروندى تۇردە الۋعا بولاتىنىنا قاراماستان، ادامداردىڭ كوبى وفلاين كەلىپ ءجۇر. بيىل كورسەتىلگەن 49 مىڭ قىزمەتتىڭ تەك 13 مىڭى عانا ونلاين فورماتتا كورسەتىلگەن. قالعان 36 مىڭى وفلاين فورماتتا كورسەتىلگەن. قازىر قالانىڭ ءار اۋدانىندا تىم بولماسا ءبىر ورتالىق اشۋ كەرەك دەپ ەسەپتەيمىز. كەيىن ءاربىر تۇرعىن ءۇي ماسسيۆىندە iQala كەڭسەسىن اشۋدى جوسپارلاپ وتىرمىز»، - دەدى امانجول ەستەكوۆ.
«ازاماتتارعا ارنالعان ۇكىمەت» مەكەمەسىنىڭ نۇر-سۇلتان قالاسى بويىنشا فيليالىنىڭ ديرەكتورى ءمادي سادانوۆتىڭ ايتۋىنشا، قالانىڭ حالىققا قىزمەت كورسەتۋ ورتالىقتارىندا ج س ن- گە ءوتىنىش بەرۋشى شەتەلدىكتەر كوبەيگەن.