بۇركىتشى بەينەلەنگەن فوتوسۋرەت حالىقارالىق IPPA كونكۋرسىندا جەڭىمپاز اتاندى
كونكۋرسقا ءتۇرلى iPhone مودەلدەرىنە تۇسىرىلگەن سۋرەتتەر قاتىسقان.
بۇل Apple-قۇرىلعى يەلەرى اراسىندا وتەتىن الەمدەگى ەڭ ءىرى ءموبيلدى فوتوسۋرەتتەر بايقاۋى. سوندىقتان، iPhone Photography Awards تالابى - بايقاۋعا جىبەرىلگەن سۋرەتتەر iPhone, Ipod نەمەسە Ipad كومەگىمەن ءتۇسىرىلۋى ءتيىس. ءموبيلدى رەداكتورلاردىڭ كومەگىمەن فوتوسۋرەتتى وڭدەۋگە بولادى، ال Photoshop, Lightroom سەكىلدى كاسىبي فوتورەداكتورلاردى پايدالانۋعا تىيىم سالىنعان.
«بۇركىتشى مەن بۇركىت» فوتوسىمەن قىتايلىق سيۋان نيۋ IPPA 2016 جەڭىمپازى اتاندى جانە «جىل فوتوگرافى» اتاعىن يەلەندى. كونكۋرسقا الەمنىڭ 139 ەلىنەن مىڭداعان فوتوسۋرەتتەر جىبەرىلگەن.
بۇركىتشى - ۇيرەتىلگەن جىرتقىش قۇستاردىڭ كومەگىمەن اڭ اۋلايتىن اڭشىلار. بۇركىتشى كاسىبى ۇلى كوشپەندىلەر ۇرپاقتارىنىڭ اۋماعىندا، ياعني قازاقستاندا، قىرعىزستاندا، التاي مەن موڭعوليادا، قىتايدىڭ باتىس ايماعىندا كەڭ تارالعان. عاسىرلار بويى ۇرپاقتان- ۇرپاققا جەتىپ، شەتەلدىكتەر قىزىعىپ قارايتىن بۇل كاسىپ ۇلتتىڭ ماقتانىشىنا اينالدى.