11:31, 16 - تامىز 2021 | GMT +6
نۇر-سۇلتاندا كىسى توناعاندار « iPhone تابۋ» قوسىمشاسى ارقىلى قولعا ءتۇستى
نۇر-سۇلتان. قازاقپارات - تۇنگى ۋاقىتتا 19 جاستاعى ەلوردالىق پوليتسياعا حابارلاسىپ، بۇزاقىلاردىڭ 230 مىڭ تەڭگە تۇراتىن « iPhone 7» ماركالى تەلەفونىن الىپ كەتكەنىن مالىمدەگەن، دەپ حابارلايدى قازاقپارات نۇر-سۇلتان قالاسى پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
جىگىتتىڭ ايتۋىنشا، ول كەشكە كەزدەسۋدەن قايتىپ كەلە جاتقان. كراۆسوۆ كوشەسىنىڭ بويىنداعى زيراتتاردىڭ جانىندا وعان ەكى جىگىت كەلىپ، تەلەفونىن بەرۋدى تالاپ ەتكەن. ول بەرۋدەن باس تارتقان. الايدا بۇزاقىلار جىگىتتى ۇرىپ، ونىڭ « iPhone 7» ماركالى تەلەفونى مەن قۇلاققابىن الىپ، جاسىرىنعان. جەدەل-ىزدەستىرۋ شارالارى كەزىندە موبيلدى قوسىمشا ارقىلى تەلەفوننىڭ قاي جەردە ەكەنى انىقتالدى. تەلەفوندى ۇرلاعان ەكى جىگىت تە سول جەردە بولعان. كۇدىكتىلەر ۇستالىپ، پوليتسيا دەپارتامەنتىنىڭ ۋاقىتشا ۇستاۋ يزولياتورىنا قامالدى. تەلەفون يەسىنە قايتارىلدى.
اتالمىش فاكتى بويىنشا قىلمىستىق ءىس قوزعالدى، ۇستالعانداردىڭ قالا اۋماعىندا بۇرىن جاسالعان ۇقساس قىلمىستارعا قاتىسى بار-جوعى انىقتالۋدا.