14:30, 23 - تامىز 2021 | GMT +6
پاتشايىم ەليزاۆەتا II گارري حانزاداعا قارسى سوت ءىسىن باستاۋعا بۇيرىق بەردى – ب ا ق
لوندون. قازاقپارات - ۇلىبريتانيا پاتشايىمى II ەليزاۆەتا گارري مەن مەگانعا قارسى سوت ءىسىن باستاۋعا بۇيرىق بەردى، دەپ حابارلايدى قازاقپارات The Sun گازەتىنە سىلتەمە جاساپ.
پاتشايىمنىڭ زاڭگەرلەرى II ەليزاۆەتانىڭ نەمەرەسى گارري مەن ونىڭ ايەلى مەگان ماركلدىڭ سىنىنان كەيىن جالا ماسەلەسى بويىنشا ماماندانعان كومپانيالاردىڭ ساراپشىلارىمەن كەڭەسىپ جاتىر.
باسىلىمنىڭ حابارلاۋىنشا، ولاردىڭ ايتقاندارى پاتشايىمنىڭ شامىنا تيگەن. گارري مەن مەگانعا قارسى سوت ءىسى قوزعالادى. ولارعا وسىنداي جولمەن ايتىلعان سوزدەردىڭ جازاسىز قالمايتىنى تۇسىندىرىلمەك.
وتكەن ايدا كورولدىك وتباسى گارريدىڭ مەمۋار جازىپ جاتقانى تۋرالى جاڭالىقتى ەستىپ، تاڭ قالدى. ول كىتابىندا كورولدىك وتباسىنىڭ ىشكى سىرلارىمەن ءبولىسىپ، ونى پاتشايىمنىڭ 100 جىلدىق مەرەيتويىنا ورايلاستىرىپ شىعاراتىنىن مالىمدەگەن.
Penguin Random House باسپا ۇيىنە قۇقىقتىق ەسكەرتۋ جىبەرۋ تۋرالى ماسەلە قاراستىرىلىپ جاتىر.