نۇر-سۇلتان قالاسىندا IEO-2020 حالىقارالىق ەكونوميكا وليمپياداسى وتەدى
وعان جىل سايىن جيىرمادان اسا ەلدەن جۇزدەگەن جوعارى سىنىپ وقۋشىلارى قاتىسادى. اشىق داۋىس بەرۋ 25- شىلدەدە سانكت-پەتەربۋرگ قالاسىندا وتكەن ەكىنشى حالىقارالىق وليمپيادا (IEO) اياسىندا ءوتتى.
بيىل وليمپياداعا 24 مەملەكەتتەن 16-18 جاس ارالىعىنداعى 29 كوماندا، 133 جوعارى سىنىپ وقۋشىسى قاتىستى، ولاردىڭ اراسىندا اۋستريا، برازيليا، قىتاي، قازاقستان، ءۇندىستان، يسپانيا، جاڭا زەلانديا، وڭتۇستىك كورەيا، ا ق ش جانە تاعى باسقا ەلدەردىڭ قاتىسۋشىلارى بار.
قاتىسۋشىلاردىڭ بارلىعى - ءوز ەلىندە وتكەن ۇلتتىق ىرىكتەۋ جارىستارىنىڭ جەڭىمپازدارى.
ەكونوميكا وليمپياداسىنىڭ قازاقستاندىق ۇلتتىق كەزەڭدەرى ەكىنشى جىل قاتارىنان ا ح ق و الاڭىندا وتكىزىلەدى.
AIFC Finance Olympiad جەڭىمپازدارى IEO-2020 حالىقارالىق كەزەڭىندە ەلدى تانىستىرۋعا مۇمكىندىك الادى. ماسەلەن، بىلتىر ماسكەۋدە وتكەن وليمپيادادا قازاقستان قۇراماسى كوماندالىق ەسەپتە Ⅲ ورىن، بيزنەس-كەيستى شەشۋ تۋرىندا II ورىن الىپ، جەكە ەسەپتە كۇمىس جانە قولا مەدالداردى جەڭىپ الدى.
قازاقستاننىڭ ۇلتتىق قۇراما كومانداسى قۇرامىندا قاراعاندى، ورال، سەمەي، پەتروپاۆل جانە نۇر-سۇلتان قالالارىنداعى نازاربايەۆ زياتكەرلىك مەكتەپتەرىنىڭ جوعارى سىنىپ وقۋشىلارى بار.
ەكونوميكا بويىنشا حالىقارالىق وليمپيادا ءۇش كەزەڭنەن تۇرادى: قارجىلىق ساۋاتتىلىق، ەكونوميكا جانە بيزنەس-كەيستەردى شەشۋ. جابىلۋ ءراسىمى جانە ناتيجەلەردى جاريالاۋ 2020-جىلى 31- شىلدەگە جوسپارلانعان.