دانيار ەلەۋسىنوۆ IBF تيتۋلىمەن رەسمي تۇردە ماراپاتتالدى

نۇر- سۇلتان. قازاقپارات - قازاقستاندىق بوكسشى دانيار ەلەۋسىنوۆ (10-0، 6 ك و) جارتىلاي ورتا سالماقتاعى IBF Intercontinental چەمپيونى تيتۋلىمەن رەسمي تۇردە ماراپاتتالدى، دەپ حابارلايدى قازاقپارات Sports.kz سايتىنا سىلتەمە جاساپ.

«قۇرمەتتى دانيار ەلەۋسىن ۇلى! IBF ءسىزدى جارتىلاي ورتا سالماقتاعى Intercontinental تيتۋلىمەن ماراپاتتاۋ قۇرمەتىنە يە. 2020 -جىلدىڭ 27-قاراشاسىندا فلوريدا شتاتىنىڭ گولليۆۋد قالاسىندا دجۋليۋس يندونگونى جەڭگەنىڭىز، ءسىزدىڭ ناعىز چەمپيون ەكەنىڭىزدى ءبۇتىن الەمگە دالەلدەيدى. وسى بەدەلدى ماراپاتتى قابىل العانىڭىز ءۇشىن العىس بىلدىرەمىز جانە ءسىز IBF تيتۋلىن ۇلكەن قۇرمەتپەن، ادالدىقپەن الىپ جۇرەتىنىڭىزگە سەنىمدىمىز. ۋاقىتى كەلگەندە مىندەتتى قورعاۋ جەكپە- جەكتەرى بويىنشا حابارلاساتىن بولامىز. قۇرمەتپەن، (IBF) ءتوراعاسى كارلوس كىشى- ورتيس»، - دەلىنگەن حالىقارالىق بوكس فەدەراتسياسىنىڭ ءتوراعاسى ك. كىشى- ءورتيستىڭ رەسمي حاتىندا.

حاتتىڭ سكرينشوتىن د. ەلەۋسىنوۆتىڭ مەنەدجەرى زيا الييەۆ ءوزىنىڭ Instagram-ستوريسىندە جاريالادى.