حورۆاتيا ءبىرىنشى تۋردا پرەزيدەنتىن سايلاي المادى
استانا. KAZINFORM - حورۆاتيانىڭ قازىرگى پرەزيدەنتى زوران ميلانوۆيچ پرەزيدەنت سايلاۋىنىڭ ءبىرىنشى كەزەڭىندە %49,1 داۋىس جينادى، دەپ حابارلايدى Kazinform ينتەرفاكس اگەنتتىگىنە سىلتەمە جاساپ.
بيلىكتەگى حورۆات دەموكراتيالىق وداعى پارتياسىنىڭ كانديداتى دراگان پريموراتستى سايلاۋشىلاردىڭ 19,35 پايىزى قولدادى. قالعان ۇمىتكەرلەر 9 نەمەسە ودان دا تومەن ۇپاي جينادى.
اگەنتتىك اتاپ وتكەندەي، سايلاۋ الدىندا جۇرگىزىلگەن ساۋالنامالار ميلانوۆيچ پەن پريموراتستىڭ 12-قاڭتاردا وتەتىن ەكىنشى تۋردا كەزدەسەتىنىن كورسەتتى، ويتكەنى پرەزيدەنتتىككە سەگىز ۇمىتكەردىڭ ەشقايسىسى %50 دان استام داۋىس جيناي المايدى.
ميلانوۆيچ جاقتاستارىنا العىس ايتىپ، «بۇل تەك ءبىرىنشى راۋند بولدى» دەپ قوستى.
- تويلامايىق، اياعىمىزدان نىق تۇرعان رەاليست بولايىق. ءبىز قايتا-قايتا كۇرەسۋىمىز كەرەك. ءالى ەشتەڭە بىتكەن جوق، - دەدى ول.
بۇعان دەيىن حورۆاتيادا جەكسەنبى كۇنى پرەزيدەنتتىك سايلاۋعا ارنالعان سايلاۋ ۋچاسكەلەرى اشىلعانىن جازعان بولاتىنبىز.
مەملەكەت باسشىسى لاۋازىمىنا بىرنەشە كانديدات تالاسىپ وتىر. ولاردىڭ قاتارىندا حورۆاتيانىڭ قازىرگى پرەزيدەنتى زوران ميلانوۆيچ تە بار.
تاۋەلسىز كانديدات - پەدياتر، سوت ساراپشىسى، مەديتسينالىق گەنەتيكا سالاسىنداعى مامان دراگان پريموراك. ول بيلەۋشى كونسەرۆاتيۆتى حورۆات دەموكراتيالىق دوستاستىق پارتياسىنىڭ قولداۋىمەن سايلاۋعا تۇسكەن.
مەملەكەت باسشىسىنىڭ كرەسلوسى ءۇشىن سايلاۋعا «موست» ساياسي پارتياسىنىڭ وكىلى جانە سين قالاسىنىڭ مەرى ميرو بۋل، تاۋەلسىز كانديدات توميسلاۆ يونيچ، سولشىل ساياسي پارتيانىڭ جەتەكشىسى يۆانا كەكين دە قاتىسادى، برانكا لوزو - «دومينو» ساياسي پارتياسىنىڭ ۆيتسە-ءتوراعاسى ماريا سەلاك راسپۋديچ - تاۋەلسىز كانديدات جانە نيكو توكيچ كارتەلو - تاۋەلسىز كانديدات.
