حۋسيتتەر ب ۇ ۇ ۇشاعىنىڭ يەمەنگە كىرۋىنە جول بەرمەدى

БҰҰ
Фото: Euronews

استانا. KAZINFORM - يەمەندىك بۇلىكشىل «انسار اللاح» قوزعالىسىنىڭ حۋسيتتەرى ب ۇ ۇ ۇشاعىنىڭ يەمەننىڭ شىعىسىنداعى ماريب پروۆينتسياسىنىڭ اۋەجايىنا قونۋىنا جول بەرمەدى. Kazinform بۇل تۋرالى تاسسقا سىلتەمە جاساپ حابارلايدى.

حۋسيتتەر دۇنيەجۇزىلىك ۇيىم ۇشاعىنىڭ ماريب پروۆينتسياسىنا قونۋىنا ەكىنشى رەت مۇمكىندىك بەرمەدى.

بۇعان دەيىن حۋسيتتەردىڭ ا ق ش پەن ۇلى بريتانيا ازاماتتارىنان تۇراتىن ب ۇ ۇ قىزمەتكەرلەرىنە «انسار اللاح» ۇيىمىنىڭ باقىلاۋىنداعى يەمەن اۋداندارىن بوساتۋعا ءبىر اي ۋاقىت بەرگەنى حابارلانعان بولاتىن.

يزرايل مەن پالەستينا اراسىنداعى قاقتىعىس كەزىندە يەمەن حۋسيتتەرى ەۋروپا مەن ازيا اراسىنداعى نەگىزگى ساۋدا جولىن جاۋىپ تاستادى. بۇل جولمەن وتەتىن تاۋار دۇنيەجۇزىلىك ساۋدانىڭ %15 ىن قۇرايدى. ازىرگە امەريكالىق زىمىراندار دا، ۇلى بريتانيانىڭ اسكەري كەمەلەرى دە تەڭىز جولىنداعى بوگەتتى بۇزا الماي وتىر.

«يزرايل مەن پالەستينا اراسىنداعى قاقتىعىس جاعدايىندا يەمەندىك حۋسيتتەر ەۋروپا مەن ازيا اراسىنداعى نەگىزگى ساۋدا جولىن جاۋىپ تاستادى جانە ازىرگە ەشتەڭە - امەريكاندىق زىمىراندارى دا، بريتاندىق فرەگاتتار دا - تەڭىز جولىنىڭ قورشاۋىن الىپ تاستاۋعا كومەكتەسپەيدى، بۇل شامامەن الەمدىك ساۋدانىڭ %15 قۇرايدى»، - دەپ جازىلعان.

نيۋ-يورك تايمس باسىلىمى يەمەندىك «انسارۋللا» توبىنىڭ شابۋىلى قىزىل تەڭىزدەگى كەمەلەر قوزعالىسىنا تيگىزگەن اسەرىنىڭ كارتاسىن جاريالادى.

سۋرەتتە كورسەتىلگەندەي، حۋسيتتەر شابۋىلىنا دەيىنگى كەمەلەر قوزعالىسى جاسىل تۇسپەن، شابۋىلدان كەيىنگى كەمەلەر كۇلگىن تۇسپەن بەلگىلەنگەن.

ءبىر اپتا بۇرىن ا ق ش پەن ۇلى بريتانيانىڭ اۋە جانە اسكەري كەمەلەرى يەمەندەگى كوتەرىلىسشى حۋسيتتەر توبىنا سوققى بەرە باستادى.

بۇعان دەيىن ءبىز قىزىل تەڭىزدەگى كەمەلەرگە شابۋىل جاساپ، الەمدىك ساۋدانى بۇزۋشى حۋسيتتەردىڭ كىم ەكەنى تۋرالى جازعان بولاتىنبىز.

سوڭعى جاڭالىقتار