حاسان قاسىمبايەۆقا قاتىستى تەرگەۋ اياقتالدى ما

الماتى. KAZINFORM - «حۋتورلىقتار» اتتى ۇيىمداسقان قىلمىستىق توپتىڭ جەتەكشىسى دەپ تانىلعان حاسان قاسىمبايەۆقا قاتىستى تەرگەۋ قاشان اياقتالدى.

بۇقارالىق اقپارات قۇرالدارىندا حاسان قاسىمبايەۆقا قاتىستى تەرگەۋ اياقتالىپ، سوتقا جولدانعانى تۋرالى اقپارات تاراپ جاتىر.

الايدا kazinform اگەنتتىگى جولداعان ساۋالعا جاۋابىندا الماتى وبلىستىق پوليتسيا دەپارتامەنتى ونى جوققا شىعاردى.

- ءبىرقاتار ب ا ق- تا حاسان قاسىمبايەۆ جانە باسقا دا تۇلعالارعا قاتىستى قىلمىستىق ءىستىڭ سوتقا جولدانعانى تۋرالى شىندىققا سايكەس كەلمەيتىن اقپارات جاريالاندى. اتالعان قىلمىستىق ءىس بويىنشا تەرگەۋ اياقتالىپ، قازىرگى ۋاقىتتا ءىس ماتەريالدارى تاراپتارعا تانىسۋ ءۇشىن ۇسىنىلعان. تانىسۋ پروتسەسى اياقتالعاننان كەيىن ءىس ايىپتالۋشىلاردى سوتقا بەرۋ ماسەلەسىن شەشۋ ءۇشىن پروكۋراتۋراعا جولدانادى، - دەپ حابارلادى الماتى وبلىستىق پوليتسيا دەپارتامەنتىنىڭ باسپا ءسوز قىزمەتىنەن.

وبلىستىق سوت وكىلدەرى ءىس ماتەريالدارى سوتقا تۇسپەگەنىن مالىمدەدى.

ەسكە سالايىق، بىلتىر قاراشا ايىندا حاسان قاسىمبايەۆ قاماۋعا الىنعان بولاتىن.

بۇعان دەيىن 16 جاستاعى شەرزات پولاتتىڭ ولىمىنەن كەيىن تالعارلىقتار ونى «حۋتورسكيە» توبىنىڭ باسشىسى بولۋى مۇمكىن ەكەنىن ايتقان ەدى.

كەيىن ىشكى ىستەر ءمينيسترىنىڭ ءبىرىنشى ورىنباسارى باۋىرجان الەنوۆ كاسىپكەر حاسان قاسىمبايەۆقا قاتىستى تۇسىنىك بەردى.

سونداي-اق باس پروكۋراتۋرا تالعاردا ادام ۇرلاپ، ۇرىپ-سوعۋعا قاتىستى ءىستى قايتا قارادى.

الماتى وبلىستىق پوليتسيا دەپارتامەنتىنىڭ باسپا ءسوز قىزمەتى كۇدىكتىگى قاتىستى تاعى قانداي ايىپ تاعىلعانى تۋرالى اقپارات تاراتتى.