حارريس ترامپتى جەڭىسىمەن قۇتتىقتادى

استانا. KAZINFORM - كامالا حارريس دونالدۋ ترامپقا قوڭىراۋ شالىپ، پرەزيدەنتتىك سايلاۋداعى جەڭىسىمەن قۇتتىقتادى. بۇل تۋرالى ونىڭ كومەكشىسى حابارلادى دەپ جازادى BBC.

سارسەنبى كۇنى كوپشىلىك الدىندا ءسوز سويلەۋى ءتيىس بولعان حارريس «بيلىكتىڭ بەيبىت جولمەن اۋىسۋى جانە بارلىق امەريكالىقتار ءۇشىن پرەزيدەنت بولۋدىڭ ماڭىزدىلىعىن تالقىلادى»، - دەدى حارريستىڭ اعا كومەكشىسى. بۇل تۋرالى Reuters جازادى.

بۇعان دەيىن حابارلانعانداي، ا ق ش-تىڭ بۇرىنعى پرەزيدەنتى دونالد ترامپ سايلاۋدا جەڭىسكە جەتىپ، اق ۇيگە ورالدى. وعان بەرىلگەن داۋىستار سانى باستى قارسىلاسى كامالا حارريستەن باسىم ءتۇستى.

ەۋروپارلامەنت فراكسياسىنىڭ تەڭ ءتوراعالارى ترامپتى جەڭىسىمەن قۇتتىقتادى.