حانتەر بايدەنگە جاڭا ايىپ تاعىلدى
ا ق ش پرەزيدەنتىنىڭ ۇلى 1,4 ميلليون دوللار سالىق تولەمەگەنى ءۇشىن ايىپتالىپ وتىر. Kazinform بۇل تۋرالى Euronews-كە سىلتەمە جاساپ حابارلايدى.
حانتەر بايدەنگە جاڭا ايىپ تاعىلدى، ونىڭ ىشىندە ءۇش قىلمىستىق ءىس پەن التى قۇقىقبۇزۋشىلىق بار. ولاردىڭ ءبارى سالىق تولەۋگە قاتىستى.
ايىپتاۋلار بويىنشا، ا ق ش پرەزيدەنتىنىڭ ۇلى 2016-2019 -جىلدارى مەملەكەت قازىناسىنا 1,4 ميلليون دوللار قارىز بولىپ قالعان.
ەگەر ونىڭ كىناسى دالەلدەنسە، 17 جىلعا دەيىن تۇرمەگە قامالۋى مۇمكىن.
ارنايى پروكۋرور دەۆيد ۋايسستىڭ سوزىنشە، حانتەر «ميلليونداعان دوللاردى سالىقتىڭ ورنىنا ەرەكشە ءومىر سالتىنا جۇمساعان».
قۇجاتتا بايدەننىڭ ۋكراينالىق ءوندىرىس كونگلومەراتى ديرەكتورلار كەڭەسى مەن قىتايلىق تىكەلەي ينۆەستيتسيالار قورىنان تاپقان سول جىلدارداعى تابىسى از بولماعانى ايتىلعان.
بۇعان دەيىن پرەزيدەنت دجو بايدەننىڭ ۇلى - حانتەرگە 2018 -جىلى قارۋ ساتىپ الۋ كەزىندە جالعان مالىمەت بەرگەنى ءۇشىن ءۇش ەپيزود بويىنشا ايىپ تاعىلعانىن حابارلاعان بولاتىنبىز.
