ۋحانداعى كوۆيد ىندەتىن العاش جاريالاعان قىتايلىق بلوگەر بوستاندىققا شىقتى
استانا. KAZINFORM - ۋحانداعى العاشقى COVID ىندەتى تۋرالى حابارلاعانى ءۇشىن ءتورت جىلعا باس بوستاندىعىنان ايىرىلعان قىتايلىق بلوگەر بوساتىلدى. مۇنى «شەكاراسىز رەپورتەرلار» ۇيىمى دا راستادى. بۇرىنعى ادۆوكات 2020 -جىلدىڭ مامىر ايىندا قاماۋعا الىنعان.
ب ا ق قۇقىقتارىن قورعاۋ ورتالىعى چجاننىڭ ۋاقىتىندا بوساتىلعانىن جانە الاڭداۋشىلىق تانىتقاندارعا العىسىن بىلدىرگەن ۆيدەوسىمەن ءبولىستى.
ول وتكەن اپتادا بوساتىلۋى كەرەك ەدى، ءبىراق ونىمەن بايلانىسا الماعان دوستارى مەن جاقتاستارى الاڭداي باستادى.
بۇرىنعى زاڭگەر جان ۇكىمەتتىڭ ىندەتكە قارسى ارەكەتىن قۇجاتتاۋ ءۇشىن ۋحانعا بارعان.
ب ا ق قۇقىقتارىن قورعاۋ ورتالىعى مەن قۇقىق قورعاۋ توپتارى جاننىڭ ادىلەتسىز سوتتالعانىن ايتتى. ال بۇعان دەيىن اتى اتالعان «شەكاراسىز رەپورتەرلار» ۇيىمى ونىڭ بوستاندىعى ايتارلىقتاي شەكتەلگەنىن مالىمدەدى.
جەلىدە جاريالانعان قىسقا ۆيدەودا 40 جاستاعى ايەل پيجامامەن دالىزدە تۇر. ول سىبىرلاپ 13-مامىردا اعاسىنا بارۋعا رۇقسات ايتادى. ول الاڭداۋشىلىق تانىتقاندارعا العىسىن ءبىلدىردى.
ول 2020 -جىلدىڭ اقپان ايىندا COVID-19 پاندەمياسى باستالا سالا شاڭحايدان ۋحانعا بارىپ، تولىپ كەتكەن اۋرۋحانالاردى، قۇربان بولعانداردى جانە ناقتى ادام شىعىنىن جاسىرعانداردى سىناپ ءبىرقاتار روليكتەر جاسادى.
ونىڭ حابارلارى مەن ماقالالارى الەۋمەتتىك جەلىلەردە كەڭىنەن تارادى، ءبىراق ول بيلىكتىڭ قىسىمىنا قاراماستان سىني جازبالارىن جاريالاۋدى جالعاستىردى.
جان 2020 -جىلدىڭ مامىرىندا قىتايداعى بەلسەندىلەرگە قارسى ءجيى قولدانىلاتىن «قاقتىعىستار مەن تارتىپسىزدىكتەر تۋدىرعانى» ءۇشىن تۇرمەگە قامالدى.
تۇرمەدە وتىرعان العاشقى ايلارىندا ول تاماقتان باس تارتتى. ونىڭ ادۆوكاتى سوتتالۋشىنى تۇتىك ارقىلى كۇشتەپ تاماقتاندىرعانىن ايتتى. ول 2023 -جىلدىڭ شىلدەسىنە دەيىن، سالماعى 37 كەلىگە جەتكەنگە دەيىن ءىشىنارا اشتىق جاريالادى.
ونىڭ جاقتاستارى چجان تۇرمەدەن شىققانىمەن، ۇكىمەتتىڭ قاتاڭ باقىلاۋىندا ەكەنىن ايتادى.
اۆتور
ەركەجان سماعۇلوۆا
