حاماس كەپىلگە تۇسكەندەردى ايىرباستاۋدان باس تارتتى

استانا. KAZINFORM - يزرايلدىڭ گازا سەكتورىندا اتىستى توقتاتۋ جانە كەپىلگە الىنعانداردى ايىرباستاۋ تۋرالى ۇسىنىسىن حاماس قابىلدامادى.

The Times of Israel باسىلىمىنىڭ حابارلاۋىنشا، كەپىلگە الۋ تۋرالى ۇسىنىستىڭ بارلىعى «جەلگە ۇشقان».

حاماس قاتار، مىسىر جانە امەريكا دەلدالدارىنىڭ كەپىلگە الىنعان 40 ادامدى بوساتۋ ۇسىنىسىنا قارسى. ولار 50 جاستان اسقان ايەلدەر مەن ەرلەر ساناتىنا جاتاتىن 20 ادامدى عانا بوساتۋعا دايىن ەكەنىن العا تارتىپ وتىر.

سونداي-اق، حاماس 20 ادامدى بوساتپاستان بۇرىن يزرايلدەن 6 اپتالىق بىتىمگە كەلۋدى تالاپ ەتتى.

ەستەرىڭىزگە سالساق، بۇعان دەيىن حاماس توبىنىڭ باسشىلىعى اتىستى 6 اپتاعا توقتاتۋ تۋرالى ۇسىنىستى قابىلداعان جوق. ولار يزرايل اسكەرىنىڭ گازادان شىعارىلۋىن تالاپ ەتىپ وتىر.