حاماس ەكى ەل اراسىنداعى بەيبىتشىلىكتەن قاۋىپتەنگەندىكتەن سوعىس اشتى - بايدەن

  ا ق ش پرەزيدەنتى دجو بايدەن X الەۋمەتتىك جەلىسىندە (بۇرىنعى Twitter) تاياۋ شىعىستاعى جاعدايعا بايلانىستى پىكىر ءبىلدىردى، دەپ حابارلايدى Kazinform.

- حاماس بارىنەن يزرايلدىكتەر مەن پالەستينالىقتار اراسىنداعى بەيبىتشىلىكتەن قاۋىپتەنەدى، سول سەبەپتى سوعىس اشتى. تەررور، زورلىق- زومبىلىق، كىسى ءولتىرۋ جانە سوعىس جولىن جالعاستىرۋ دەگەنىمىز حاماس- قا نە ىستەگىسى كەلسە، سونى ىستەسىن دەپ ەرىك بەرۋمەن بىردەي. ءبىز ولاي جاساي المايمىز، - دەپ جازدى دجو بايدەن.

بۇعان دەيىن بايدەن يزرايل مەن حاماس- تىڭ سوعىستى ۋاقىتشا توقتاتۋ تۋرالى شەشىمىن قولداۋعا شاقىرعان بولاتىن. ول الداعى ۋاقىتتا ا ق ش «تاياۋ شىعىستاعى زورلىق- زومبىلىق تسيكلىن» توقتاتۋى كەرەك ەكەنىن اتاپ ءوتتى. ا ق ش باسشىسى سوعىس قيمىلدارىن ەكى سەبەپ بويىنشا توقتاتۋدى العا تارتقانىن ايتتى: گازاعا گۋمانيتارلىق كومەك جەتكىزىلىمىن كەڭەيتۋ جانە كەپىلگە الىنعانداردى بوساتۋ.

كاتار سىرتقى ىستەر مينيسترلىگىنىڭ حابارلاۋىنشا، گازادا سوعىس قيمىلدارىن توقتاتۋ رەجيمى 24-قاراشا كۇنى تاڭەرتەڭ باستالدى.