حالىقتىڭ جاپپاي نەسيە الۋىنىڭ سەبەپتەرى انىقتالدى

PhD қорғауға қойылатын талапты төмендетпеу керек – Мәулен Әшімбаев
فوتو: سەناتتىڭ باسپا ءسوز قىزمەتى

استانا. قازاقپارات – سەنات ءتوراعاسى حالىقتىڭ نەسيەگە كۇن كورىپ وتىرعانىن ايتىپ دابىل قاقتى، دەپ حابارلايدى Bugin.kz پورتالى.

ماۋلەن اشىمبايەۆ پايىز مولشەرىنىڭ جوعارى بولۋى جانە جوبالاردى پىسىقتاۋعا ءمان بەرىلمەۋى قازاقستانداعى بيزنەسكە نەسيە بەرۋدىڭ تومەندەۋىنە اكەپ سوعىپ وتىرعانىن العا تارتتى. ونىڭ سوزىنشە، حالىقتىڭ جاپپاي نەسيە الۋعا ۇمتىلۋىنىڭ سەبەبى بيزنەستىڭ نەسيە سالدارىنان دۇرىس دامىماۋى.

«ءبىز كورىپ وتىرعان ماڭىزدى كورسەتكىش - تۇتىنۋشى نەسيەسىنىڭ ءوسۋ قارقىنى - %2,4. بۇل بيزنەسكە نەسيە بەرۋدىڭ ءوسۋ قارقىنىنان - %0,8 جوعارى. ءۇش ەسەگە جاقىن. وسى ساندار مەن ءۇردىس ءبىزدىڭ بيزنەستىڭ دۇرىس دامىماي وتىرعانىن كورسەتەدى. ول ءتىپتى نەگىزگى قورلارعا ينۆەستيتسيانىڭ تومەندەۋىنەن دە كورىنىپ تۇر. حالىقتىڭ ءۇستى-ۇستىنە نەسيە العانى بايقالىپ وتىر. بۇل حالىق ءومىرىنىڭ جاقسىلىعىن ەمەس، تابىسى از جانە ءال-اۋقاتى تومەن ەكەندىگىن كورسەتەدى. بۇل ولاردىڭ تۇتىنۋشى نەسيەسى ارقىلى كۇن كورەتىنىن بايقاتادى. ۇدايى الدەبىر «ساڭىلاۋدى» جاۋىپ جۇرەدى. تيىسىنشە، ولار ودان كەيىن ول نەسيەلەردى وتەي المايدى. سوندىقتان بۇل - كەشەندى ماسەلە جانە ەرتەڭ وڭدەۋ ونەركاسىبى بويىنشا پارلامەنتتىك تىڭداۋدا وسى ماسەلەلەردى ءىشىنارا كوتەرەمىز»، - دەدى ماۋلەن اشىمبايەۆ.

سوڭعى جاڭالىقتار