15:13, 16 - قاڭتار 2024 | GMT +6
حالىقارالىق ىزدەۋدە جۇرگەن كۇدىكتى شىمكەنتتە ۇستالدى
شىمكەنت. KAZINFORM- وزبەكستان ازاماتى 12 جىل بويى قىلمىستىق قۋدالاۋدان جاسىرىنىپ كەلگەن.
شىمكەنت قالاسى پوليتسيا دەپارتامەنتىنىڭ ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى جەدەل-پروفيلاكتيكالىق ءىس- شارا بارىسىندا 45 جاستاعى وزبەكستان ازاماتىن ۇستادى.
ەر ادامعا ءىرى كولەمدە ۇرلىق جاساعانى ءۇشىن كورشى ەلدىڭ ءتارتىپ ساقشىلارى حالىقارالىق ىزدەۋ جاريالاعان. ول 12 جىل بويى قىلمىستىق قۋدالاۋدان جاسىرىنىپ كەلگەن.
«قازىرگى تاڭدا شەتەلدىك قاماۋدا. ونى وزبەكستان رەسپۋبليكاسىنا ەكستراديتسيالاۋ جۇمىستارى جۇرگىزىلىپ جاتىر»،-دەلىنگەن شىمكەنت قالاسى پوليتسيا دەپارتامەنتىنىڭ باسپا ءسوز قىزمەتى تاراتقان اقپاراتتا.
